अहिले उनको जिल्ला स्थित सल्ले अस्पतालमा उपचार भइरहेको छ । युवतीको स्वास्थ्य अवस्था आज तीन दिन बित्दा समेत गम्भीर रहेको पारिवारिक श्रोतले जनाएको छ ।
पीडित युवतीका बुवा दत्ते सार्कीका अनुसार उनकी बिवाहित छोरी कक्षा १० मा अध्ययनरत छन्।२ वर्ष अगाडि मात्रै उनीहरु प्रेम बिबाह मार्फत बैवाहिक जीवनमा बाधिएका थिए । विका र राधा । केहि समय देखि श्रीमान श्रीमती भारतमा सँगै बस्दै आएका थिए । अब केहि समयमा एस.ई.ई को परिक्षा दिनुपर्ने भएकोले घर परिवार र युवतीका श्रीमान विकास सार्की सहित सबैको सल्लाहमा राधा परिक्षाको तयारी गर्ने भन्दै पढ्न नेपाल आफ्नो माइती आएकी थिइन्।
गत १० गते बुधबार राधा घरमा आएको ४ दिन भएको थियो । बाबू दैनिक मजदुरी गर्न गएका थिए । भने आमा घाँस काट्न गएकी थिइन । घरमा एक अपाङ्ग छोरा र छोरी थिए । दिउँसोको समयमा अचानक खबरै नगरी विकास भारत बाट घरमा आएर अपाङ्ग छोरालाई बाहिर धकेलेर एकाएक राधा माथी धारिलो हतियार प्रहार गर्न थालेपछि स्थानीय दुई महिलाले देखेपछि घटना बाहिर आएको थियो । छिमेकीले थाहा पाएपछि राधाको ज्यान जोगिएको थियो भने उनको अवस्था गम्भीर थियो ।
बाँफिकोट गाउँपालिकाको प्रहरीको सहायतामा राधालाई तुरुन्तै अस्पताल लगेर उपचार गरिएको छ । भने विकास सार्की अहिले प्रहरीको हिरासतमा छन । राधाका बाबुले भनेअनुसार परिवारको तर्फबाट मुद्दा दर्ता गराइ आफ्नो छोरीको लागि न्याय र अपराधी माथी कानुनी कारबाहीको माग गरेका छन ।
घटना घटेपछि इलाका प्रहरी कार्यालयसम्म पुग्नु अगाडि निकै डरलाग्दो बार्गेनिङ चलेको थियो । ज्यान मार्ने कसुरको यति ठुलो घटनालाई सकेसम्म मेलमिलापमा लैजानको लागि पिडक पक्ष सहित भुमिका खेल्नेहरुले ५ लाखसम्मको प्रस्ताव गरेको पीडित परिवारले बताएको छ । घटना दुई दिनसम्म मेलमिलापको प्रयास रह्यो त्यसको सुचना पाए लगत्तै उज्यालोपाटी कर्मी गण्डकी प्रदेश प्रमुख सुजन बिश्वकर्माले प्रहरीको सहायतामा उक्त घटना जिल्ला प्रहरी कार्यालयमा पुर्याएपछि पीडित परिवारको जाहेरीमा अहिले ज्यान मार्ने उद्योगमा मुद्दा दर्ता भइ म्याद थप गरेर आरोपी सहित घटना विस्तृत बारे अनुसन्धान भइरहेको छ।
अहिले घाइतेको घाँटीमा २८ वटा टाँका लगाइएको छ । भने पिडकलाई इलाका प्रहरी कार्यालय मार्फत हिजो मिति २०८२ मंसिर ११ गते बेलुका जिल्ला प्रहरी कार्यालय रुकुमलाई जिम्मा लगाइएको थियो बेलुका। जिल्ला प्रहरी कार्यालय रुकुम पश्चिमका सूचना अधिकारी हरि पुनका अनुसार हिजो कार्यालय समय सकिएको कारण मुद्दा आज मात्रै दर्ता भएको हो । घटना के कारणले घटेको भन्ने बारे खुल्न सकेको छैन।
