आठबिसकोट । राष्ट्रिय प्रगतिशील अभियाण रुकुम पश्चिमका संयोजक गोर्ख बहादुर केसी सन्देशले केहिदिन अघि मात्रै पार्टी बिभाजन पछि घोषणा भएको नेपाली कम्युनिस्ट पार्टी मानिसले चलाउन छोडेको जर्जर बस जस्तो भएको बताएका छन। केसीले एक प्रेस नोट सार्वजनिक गर्दै प्रचण्डले रेल छुट्यो भनेर पार्टी फुटाएर हिडेको र उक्त रेल नभएर पुरानै चालकले चलाएको मानिसले चढ्न छोडेको जर्जर बस भएको बताएका हुन।
केसीले प्रेस नोटमा भनेका छन, क प्रचण्डले रेल छुट्यो भन्दै हुनुहुन्छ । तर अवस्था रेलको होईन । मानिसले चलाउन छोडेको जर्जर बस जस्तो भएर दोबाटोमा उभिएको छ । र पुराना असफल चालकले यसलाई चलाउन खोजीरहेका छन। खटरा जस्तो यो बस अब चल्न सम्भावना छैन। आशन्न चुनाव पछि कवाडमा जाने निश्चित छ।
संयोजक केसीले उक्त अभियान मार्फत आफुले रुकुम पश्चिमको संयोजकत्व गरेको बताईएका छन। प्रगतिशील अभियान राजनीतिमा बैकल्पिक शक्तिका रुपमा स्थापित हुने जनाएका छन। पार्टी विघटन भएपछि कठिन यात्राको थालनी भएको भन्दै केसीले सबै रुकुम पश्चिमका युवाहरु एकताबद्ध भएर लाग्न अनुरोध गरेका छन।
