नाबालिका लाई बेचबिखन का लागि भारत लैजादैँ गरेको आशंकामा प्रहरीले कपिलवस्तुको कृष्णनगर सीमा नाकाबाट एक युवकलाई पक्राउ गरेको छ ।

रुकुम पश्चिमको मुसिकोट नगरपालिका–१३ का २३ वर्षीय अर्जुन रोका लाई प्रहरीले पक्राउ गरेको हो । आकर्षक रोजगारको प्रलोभन देखाउँदै एक नाबालिकालाई झुक्याएर भारत लैजाँदै गरेको अवस्थामा पक्राउ गरिएको प्रहरी नायब उपरीक्षक रिपेन्द्रकुमार सिंह ले जानकारी दिए । रोकालाई पक्राउ गरी आवश्यक अनुसन्धान अघि बढाइएको सिंहले बताए ।

जिल्ला अदालतबाट पाँच दिनको म्याद थप गराइएपछि प्रहरीले घटनाबारे थप अनुसन्धान सुरु गरेको जनाएको छ । नाबालिकाको उमेर भने प्रहरीले खुलाएको छैन।