पोखरा । धनगढीबाट काठमाडौँतर्फ जाँदै गरेको यात्रुबाहक बस कपिलवस्तुको वनकसवासामा दुर्घटना भएको छ । आज पूर्व पश्चिम राजमार्ग अन्तर्गत दुर्घटना हुँदा ३६ जना घाइते भएका छन् ।
Advertisement
ना ८ ख ५७०३ नम्बरको बस आज बिहान सडक छेउमा पल्टिँदा २ जना गम्भीर घाइते भएको प्रहरीले जनाएको छ ।
घाइतेमध्ये १५ जनालाई थप उपचारका लागि बुटवलस्थित प्रादेशिक अस्पतालमा रिफर गरिएको छ भने २० जनाको उपचार चन्द्रौटा–स्थित सञ्जीवनी सामुदायिक अस्पतालमा भइरहेको वडा प्रहरी कार्यालय चन्द्रौटाले जनाएको छ ।
