जेन जी आन्दोलनका अगुवा भनिएका सुधन गुरुङ लाई भारतीय नागरिक भएको भन्दै सामाजिक सञ्जालमा तिव्र आलोचना गरिएको छ । गोरखाको चुमनुव्री गाउँपालिकाका सुधन हामी नेपाली नामक केंद्रित एनजीओका अध्यक्ष हुन्। अहिले जेन जीको प्रदर्शनको अगुवामध्ये एक प्रमुख अगुवाको रुपमा उनले आफुलाई घोषित गर्दै आएका छन्।

सामाजिक सञ्जालमा भनिए अनुसार उनी भारतीय नागरिक नभएर नेपालको गोरखामा जन्मिएर गोरखा जिल्लाबाट नागरिकता प्राप्त गरेको उज्यालोपाटी खोजमा फेला परेको छ । यस अघि उनी इभेन्ट/नाइटक्लबसँग सम्बन्धित (DJ/इभेन्ट आयोजक) थिए ।

तर २०७२ सलको भूकम्पपछि राहत-कार्य र सामुदायिक काममा सक्रिय भई हामी नेपाली नामक संस्था खोलेर नागरिक युवा आन्दोलनतर्फ लागेका हुन्। तर उनले जेनजीको नेतृत्व कर्ता आफुलाई बताउने गुरुङ उमेरले ३८ वर्ष काटिसकेका छन्। जेन जी समुहको पत्रकार सम्मेलनमा आक्रोशित हुँदै उनले आफुलाई जेनजी समुहको नेतृत्व दाबी गरेपनी उनी ३८ वर्ष भैसकेको बुझिएको छ । अहिले उनलाई भारतीय एजेन्ट भनेर चौतर्फी आलोचना गरिएको छ ।