कर्णाली प्रदेशको राजधानी वीरेन्द्रनगरमा जेन जेडको आन्दोलनको क्रममा एक जनाको गोली लागेर मृत्यु भएको छ । प्रदर्शनकारी नेताका घर तथा कार्यालय आगजनी गरेपछि प्रहरीसँग झडप भएको थियो । सुरक्षा स्रोतले एक जनाको मृत्यु भएको पुष्टि गरेको छ ।

मुख्यमन्त्री यामलाल कँडेल र काँग्रेस उपसभापति पूर्णबहादुर खड्काको घरमा तोडफोडपछि प्रहरीले हवाइ फायर र अश्रुग्याँस प्रयोग गरेको छ। अख्तियारको प्रादेशिक कार्यालय, वीरेन्द्रनगर नगरपालिका लगायतका सरकारी कार्यालयमा तोडफोड र आगजनी गरेका गरिएको छ ।

नेपाली काँग्रेस, नेकपा एमाले र नेकपा माओवादी केन्द्रका पार्टी कार्यालयहरू पूर्णरूपमा ध्वस्त भएका छन्।