रुकुम पश्चिम । प्राविधिक समस्याका कारण रुकुम पश्चिमको आठबिसकोट नगरपालिका ४ र ५ गोतामकोटमा नेपाल टेलिकमको टेलिफोन सेवा अवरुद्ध भएको छ। नेपाल टेलिकम कर्णाली प्रदेश कार्यालय का अनुसार आठबिसकोट ५ को दहमा रहेको टावरमा प्राविधिक समस्या देखिएको र मर्मतका लागि टोली परिचालन गरिएको बताईएको छ ।

दुई दिन देखि टेलिफोन सेवा अवरुद्ध भएको स्थानीयको भनाई छ । विद्युत नियमित नहुँदा सोलार बाटै चलाइएको सो टावरमा चार्ज नहुने र स्विच झर्ने समस्या देखिने गरेको टेलिकमले बताएको छ ।

२ दिन देखि टेलिफोन सेवा अवरुद्ध रुकुम पश्चिमको गोतामकोट सहित जाजरकोटको नलगाड नगरपालिका १२ मा फोन नलाग्ने समस्याका कारण सेवाग्राही मर्कामा परेका रुकुम र जाजरकोट लगायतका क्षेत्रमा सबै प्रकारका मोबाइल र ल्याण्डलाइन सेवा प्रभावित भएका छन्।