रुकुम पश्चिमको आठबिसकोट नगरपालिका का नगरप्रमुख रवि केसीले समयमै सडक कालोपत्र गर्न पुर्वाधार कार्यालयलाई ध्यानाकर्षण गराएपछी अहिले सडक स्तरोन्नति र निर्माण कार्यले तिव्रता पाएको छ । केही महिना पहिले केसीले कार्यालयलाई लामो समयदेखि अलपत्र परेको सडक चाँडो निर्माण गर्न ध्यानाकर्षण गराएका थिए ।
आठबिसकोट नगरपालिकाले पुर्वाधार विकास कार्यालय रुकुम पश्चिमलाई आठबिसकोट नगरपालिका-११ चिसापानी देखि वडा नम्वर ९ राडी बजार सम्मको सडक मर्मतका लागी ध्यानाकर्षन गराएपछी अहिले सडक निर्माणले पुर्णता पाएको हो । पुर्वाधार विकास कार्यालय चौरजहारी र एमएस पिएस जियसएचसी जेभी कपनले वि. स.२०७८ जेठ ३ गते ठेक्का लिएको थियो । तर लामो समय देखि उक्त सडक अलपत्र अवस्थामा परेको थियो ।
नगरपालिकाको लाइफलाइनका रुपमा रहेको यो सडक निर्माण नहुँदा यात्रुहरुले सास्ती खेप्दै आएका थिए । नगरप्रमुख रवि केसीका अनुसार सम्झौता अनुसार निर्माण कम्पनीले २०८२ जेठ २० गते भित्र काम सम्पन्न गर्नुपर्ने थियो । धेरैपटकको ताकेता पछि अहिले ग्राबेल भैरहेको छ । पटक पटक कार्यालय बाट पत्र पठाउदा अटेरी गरेपछी पुर्वाधार विकास कार्यालय मार्फत निर्माण कम्पनीलाई ध्यानाकर्षण गराइएको र पुन अटेरी गरे नगरपालिकाले संघर्षका कार्यक्रम अगाडी बढाउने चेतावनी दिएपछी अहिले निर्माण कम्पनीले यसै वर्ष काम सक्ने गरी सो सडक पिचका लागि धमाधम काम भैरहेको नगरप्रमुख केसीले बताए ।
ठेकेदारको अटेरीले ४ वर्षमा पनि आयोजनाले पूर्णता पाउन नसक्दा यात्रु, यातायात व्यवसायी र स्थानीयबासी सास्ती खेप्दै आएकोमा अब भने यात्राका लागि सहज हुने बताईएको छ। आठबिसकोट नगरपालिका-११ चिसापानी देखि पालिकाको केन्द्र राडीबजार सम्म ७ किलोमिटर सहित चिसापानी , राडी नदुवा मुसिकोट माछिमी सडक आयोजना अन्तर्गत सडक कालोपत्र गर्न ठेकेदार कम्पनी र पूर्वाधार विकास कार्यालय चौरजहारी विच ३३ करोड ४८ लाख ८९ हजार ८७३ रुपियाँमा ठेक्का सम्झौता भएको थियो । कार्यालयका अनुसार आयोजनाको अहिलेसम्म भौतिक प्रगति करिब ७० प्रतिशत सम्पन्न भएको छ ।
यस्तो छ पालिकाको ध्यानाकर्षण
