रुकुम पश्चिम — आठबिसकोट नगरपालिका वास इकाइले स्वच्छता, सरसफाइ र स्वास्थ्यमा आधारित कार्यक्रम बेवि वास प्रवर्धन (BABY WASH Promotion) सम्बन्धी अभिमुखिकरण कार्यक्रम सम्पन्न गरेको छ। नगरपालिकाको वडा नम्वर-७ स्थित वडा कार्यालयमा बिहिवार एक कार्यक्रमका बिच अभिमुखीकरण सम्पन्न भएको हो।
वडा क्षेत्रभित्रका विभिन्न गर्भवती, सुत्केरी महिला तथा सरोकारवाला निकायहरूको सहभागितामा आयोजित सो अभिमुखिकरणमा बालबालिकाको प्रारम्भिक चरणदेखि नै सुरक्षित पानी, सरसफाइ, पोषण तथा स्वच्छ व्यवहार प्रवर्धन गर्नुपर्नेमा जोड दिइयो।
कार्यक्रममा सहभागीहरूलाई बेवि वासको अवधारणा, व्यवहार परिवर्तनका उपाय, घरमा अपनाउन सकिने क्रियाकलाप र अभिभावकहरूलाई समेत समेटेर समुदायमै प्रभावकारी रूपमा कार्यक्रम लागू गर्ने विधिबारे जानकारी दिइएको थियो।
नगर उपप्रमुख धन कुमारी शाहीले कार्यक्रममा बोल्दै बालमैत्री वातावरण निर्माणमा यस्तो अभिमुखिकरण प्रभावकारी हुने विश्वास व्यक्त गरिन्। उनले भनिन , हामीले विद्यालयहरूमा बालमैत्री शौचालय, खानेपानीको व्यवस्था र सरसफाइ सम्बन्धी सचेतनामूलक कार्यक्रमलाई प्राथमिकता दिएका छौं। यसले बालबालिकाको स्वास्थ्य र सिकाइमा सकारात्मक प्रभाव परेको छ।” भने गर्भवती तथा सुत्केरी महिलाहरुलाई सरसफाइ सम्बन्धि सचेतना र आवश्यक सामग्री वितरण गरेका छौँ । जसले सबै महिला दिदीबहिनीहरुको स्वास्थ्यमा सुधार ल्याउछ ।
अभिमुखीकरण कार्यक्रममा ७ र ८ वडाका ७० जना भन्दा बढी गर्भवती तथा सुत्केरी महिलाहरुलाई पानी पिउने बोत्तल, कपडा- नुहाउने साबुन, म्याटिस र बच्चाको लागि ट्वाइलेट सिट बितरण गरिएको थियो ।
कार्यक्रमको सहजीकरण सामाजिक परिचालक दिपक केसी र कर्ण केसीले गरेका थिए । भने अध्यक्षता वडा नम्वर-७ का अध्यक्ष अमृत बुढाले गरेका थिए। स्वास्थ्य शाखा प्रमुख लखन बोहोरा सहित अन्य कर्मचारीहरुको पनि सहभागिता रहेको थियो । ।
