आठबिसकोट नगरपालिका-९ द्वारा स्वास्थ्य स्वयंसेविकालाई सम्मान गरिएको छ । स्वास्थ्य क्षेत्रमा लामो समयदेखि निःस्वार्थ सेवा गर्दै आएका तीन जना स्वयंसेविका लाई आज शनिवार वडा कार्यालयमा विशेष सम्मान गरिएको हो ।
वडा कार्यालयद्वारा आयोजित कार्यक्रममा उहाँलाई सम्मानपत्र, दोसल्ला , झोला , कोट र छाता प्रदान गरिएको हो ।जनताको स्वास्थ्य सचेतना, खोप अभियान, पोषण शिक्षा, मातृ तथा नवजात शिशु सेवामा महत्वपूर्ण भूमिका निर्वाह गर्दै आएका उनीहरुलाई वडा नम्वर ९ का अध्यक्ष जनक बटालाले स्वास्थ्यकर्मी तथा समुदायका सदस्यहरूले उहाँको योगदानको खुलेर प्रशंसा गरे। बटालाले भने, स्वास्थ्य स्वयंसेविकाहरू हाम्रो समुदायको आधारशिला हुनुहुन्छ। सीमित स्रोतसाधनका बीच पनि उहाँहरूले जुन समर्पणका साथ सेवा दिनुभएको छ, त्यो प्रशंसायोग्य मात्र होइन, प्रेरणादायक पनि हो। समुदायमा खोप अभियान, मातृ स्वास्थ्य, पोषण सचेतना जस्ता कुरामा उहाँहरूको योगदान अत्यन्त महत्वपूर्ण छ। आजको यो सम्मान उहाँको सेवा र निष्ठाप्रतिको हाम्रो सानो कदर हो।
स्वंयमसेविका मनकुमारी बटालाले भनिन, “म यो सम्मानलाई अझ जिम्मेवारीपूर्वक सेवा गर्ने प्रेरणा मानेकी छु। समुदायको स्वास्थ्यमा सधैं समर्पित रहनेछु।”
कार्यक्रममा वडा सचिव कुमार ओली, निमित्त अस्पताल पमुख धनन्जय रिजाल, वडा सदस्य लगायतको उपस्थिति रहेको थियो । स्वंयमसेविका मनकुमारी बटाला, विश्वमाया नेपाली र नम्रता परियार लाई प्रमाणपत्र सहित कोट, झोला र छाता सहित सम्मान गरिएको हो ।
