रुकुम पश्चिम । आठबिसकोट नगर अस्पतालले जागिर छोडेको ६ महिना सम्म पनि कर्मचारीलाई तलब दिएको पाईएको छ । नगर अस्पतालले गत वर्षको जेठमा राजीनामा दिएर जागिर छोडेकी स्वास्थ्य चौथो तहमा कार्यरत सुस्मा केसीलाई जागिर छोडेको ६ महिना पछि सम्म पनि तलब खुवाईएको पाईएको हो ।

उज्यालोपाटीलाई प्राप्त जानकारी अनुसार करार सेवामा कार्यरत केसीले गत जेठमै राजीनामा दिएर अस्पताल बाट बिधाई गरिएको थियो । अस्पतालले एक कार्यक्रमका विच बिधाई गरिएको कर्मचारीलाई निरन्तर तलब दिईएको पाइएको छ । स्वास्थ्य शाखाको लापरबाहीका कारण ०८१ असार देखि केसीलाई तलब दिईएको छ ।

आठबिसकोटका तत्कालिन निमित्त प्रशासकीय अधिकृत मणि राज शाहले कर्मचारीलाई तलब दिँदा लापरवाही तरिकाले रुजु गरेर यस्तो खालको त्रुटी भएको बताईएको छ ।शाह अधिकृत हुँदा केसीले राजीनामा दिएर गएकी थिइन्। नगरपालिकाको लेखा शाखाका अनुसार स्वास्थ्य शाखाले जागिर छोडेका कर्मचारीको नाम नहटाएर तलब माग गरेका कारण लेखालाई जानकारी नभएको बताएको छ ।

गत वर्ष जागिर छोडेर गएको १ वर्ष पछि मात्रै चैत महिनामा अस्पतालले आफुलाई जानकारी गराएको केसीको भनाई छ । केसी भन्छिन, मैले जागिर छोडेको १ वर्ष सम्म तलब पठाउने अनि मैले पैसा दिन्छु । नगरपालिकाको खाता मै जम्मा गर्छु । भन्दा भन्दै मलाई धम्किपुर्ण सन्देश दिने गरेकाले उनीहरुको मिलेमतो हुन सक्ने शंका भएकाले मैले छलफल गरेर मात्रै पैसा फिर्ता गर्ने भनेको छु । केहि दिनमै पैसा फिर्ता गर्छु ।

केसीको खातामा ६ महिना बराबरको १ लाख ३७ हजार रुपैयाँ गएको देखिन्छ । २०८१ असार महिनाको र २०८१ फागुन महिनामा मंसिर महिनाको तलब केसीको खातामा गएको देखिन्छ । जागिर छोडेको १ वर्ष सम्म पनी तलब पठाईराख्नु तत्कालिन निमित्त प्रशासकीय अधिकृत र स्वास्थ्य शाखाको गैरजिम्मेवार देखिन्छ ।