आठबिसकोट नगरपालिका-१२ स्थित आक्चेकाफलमा रहेको श्री त्रीवेणी आधारभूत विद्यालयका शिक्षक धन बहादुर कुसारीले कक्षा ६ मा अध्ययनरत छात्रछात्रामाथि कुटपिट गरेपछी माफी मागेका छन्। अभिभावक र शिक्षकहरु विच आज बिहिवार छलफल हुँदा शिक्षक कुसारीले माफी मागेपछी सहमति जुटेको हो ।
शिक्षकले विधार्थीलाई दिएको गृहकार्य नगरेर बिधालयमा आएपछी गृहकार्य गरेका बिधार्थीबाट शिक्षकले कुट्न लगाएका थिए। प्रधानाध्यापक डिल्ली घर्तीका अनुसार घटनाको बारेमा बुझ्दा शिक्षकले बिधार्थी मार्फत बिधार्थीलाई कुट्न लगाएको देखियो । अभिभावक , पीडित बिधार्थी र शिक्षक बिच छलफल गर्दा शिक्षकले माफी मागेपछि दुबै पक्षबिच सहमति जुटेको प्रअ घर्तीले जनाए ।
बुधवार कुटपिट बाट बिधार्थीलाई निलडाम हुनेगरी कुटपिट गरिएको थियो । कुटाइबाट छात्रछात्राको ढाड, खुट्टामा नीलडाम बसेको छ । शिक्षकले अन्धाधुन्ध आफ्ना छोराछोरीलाई कुटेपछि अभिभावकहरू बिधालयमा गएर छलफल गर्दा सहमति जुटेको बताईएको छ ।
