आठबिसकोट नगरपालिका सबैका लागि खानेपानी सरसफाई तथा स्वच्छता आयोजना (सुस्वा) अन्तर्गत खानेपानी तथा सरसफाई योजनाको दोस्रो सार्वजनिक परिक्षण र अनुगमन कार्यक्रम सम्पन्न भएको छ । खानेपानी तथा सरसफाइ उपभोक्ता समिति आठबिसकोट नगरपालिका-७ को आयोजनामा आज शुक्रवार सार्वजनिक परिक्षण र अनुगमन कार्यक्रम सम्पन्न भएको हो ।
आठबिसकोट -७ मा सञ्चालित लाता गगुनपानी खानेपानी आयोजना र गारापाखा खानेपानी आयोजनाको अनुगमन र सार्वजनिक सुनुवाइ कार्यक्रम गरिएको हो । उक्त कार्यक्रममा आठबिसकोट नगरपालिकाकी उपप्रमुख धन कुमारी शाही, वडा नम्वर-७ का अध्यक्ष अमृत बुढा, वास सल्लाहकार प्रमोदलाल श्रेष्ठ , वास संयोजक नरेन्द्र केसी, प्राविधिक सहजकर्ता बिरेन्द्र बटाला लगायतको उपस्थिति रहेको थियो । 
आयोजना अनुगमनमा बोल्दै नगर उपप्रमुख धन कुमारी शाहीले भनिन, जनताको आधारभूत आवश्यकतासँग जोडिएको यी खानेपानी योजना समयमै सम्पन्न गर्न हाम्रो पालिका र वास ईकाइको तर्फबाट सबै लागिपरेका छौँ। ढिलासुस्ती र गुणस्तरमा सम्झौता गर्न दिँदैनौँ।’ काम गुणस्तरिय भएको छ । शाहीले थपिन, “जनताको आवश्यकता बुझेर यो योजना ल्याइएको हो। “खानेपानी जनजीवनसँग प्रत्यक्ष जोडिएको विषय हो। त्यसकारण खानेपानी योजना दिगो बनाउन उपभोक्ता र उपभोक्ता समितिले दिर्घकालिन सोच सहित काम गर्नुपर्छ । 
त्यस्तै वास संयोजक नरेन्द्र केसीका अनुसार केही प्राविधिक समस्या, उतारचढावले काम केही ढिला भएपनी सबै कुरा मिलाएर अन्तिम चरणको काम भइरहेको जनाए।’ दुबै आयोजना विकट स्थलबाट सुरु भएपनी उपभोक्ता समिति र प्राविधिकहरुको निरन्तर प्रयासले सफल भएको बताए । केसीले भने, अहिले सञ्चालित आयोजना दिगो र मजबुत भएकाले अब उपभोक्ताले खानेपानीका लागि दु: ख पाउनुपर्ने अवस्थाको अन्त्य भएको बताए । कतिपय योजनाहरु आउने तर १ वर्ष पनि नटिक्ने अनि त्यही आयोजनालाई खानेपानीको व्यापार गर्ने प्रवृत्ति अन्त्य हुने उनको भनाई छ । 
कार्यक्रमका अतिथि एवम् वडा नम्वर-७ का अध्यक्ष अमृत बुढाले खानेपानी सँगसंगै वडामा सरसफाईले पनि प्राथमिकता पाउने जनाए । उनले भने हामीले ठुलो संघर्ष र मेहनत गरेर योजना सम्पन्न गर्ने अवस्थामा आईपुगेका छौँ । अबको केहिदिनमै घर घरमा खानेपानीको धारा पुग्ने बिश्वास व्यक्त गरे । आयोजना निर्माणका क्रममा केही विवाद आएपछि केही दिन काममा ढिला सुस्ती भएको स्विकार्दै विवाद समाधान पछि निर्माण कार्यले गति लिएको बुढाले बताए । उनले भने केही मान्छेहरु यतिको गुणस्तरिय योजना देखेर हतारिएका छन्। वडाबासीलाई खानेपानीको पहुँच बाट टाढा राख्न बनाईएको योजना असफल भएको छ । सुस्वाले राम्रो र दिर्घकालिन लक्ष्य सहित काम गरेकोमा धन्यवाद ।
जनप्रतिनिधि सहित नगरपालिकाको वास इकाईका कर्मचारी लगायत उपभोक्ता समिति र स्थानीयको उपस्थितिमा भएको योजना अनुगमन र सार्वजनिक परिक्षण अन्तर्गत वास सल्लाहकार प्रमोदलाल श्रेष्ठले अनुगमन पुस्तिका बारे प्रष्ट पारेर समुदाय स्तरमा छलफल गरेका थिए । श्रेष्ठले भने अब प्रत्येक घरमा शुद्ध खानेपानी सहित यहि असार मसान्त भित्र घरघरमा खानेपानीको धारा बग्ने जानकारी दिए । उनले समितिका पदाधिकारी बिच प्रश्नोत्तर गर्दै सामाजिक कार्ययोजना भएनभएको, बैंकिङ प्रणाली मार्फत भुक्तानी गर्नुपर्ने जानकारी र आर्थिक पार्दर्शी लगायत निर्माण सामग्री खरिद तथा समितिको बैठक बारे जानकारी लिएका थिए ।
दुबै आयोजनामा झण्डै ८५ प्रतिशत काम सम्पन्न भएको प्राविधिक सहजकर्ता बिरेन्द्र बटालाले बताए। खानेपानीका सबै संरचना डिजाइन इस्टमेट अनुसार निर्माण भैरहेकाले गुणस्तरिय हामिले सुनिश्चित गरेका छौँ । र सबै धारामा २४ सै घन्टा खानेपानी आउने गरेर हामिले डिजाइन गरेका छौँ । उनका अनुसार वडा नम्वर-७ को लाता गगुनापानी जेबिचौर आयोजनाबाट १ सय ४४ घर र गारापाखा आयोजनाबाट १५ घर लाभान्वित हुने छन्। समितिका अध्यक्षहरु पठे कामी र कालो खत्रीको अध्यक्षतामा भएको कार्यक्रमको सञ्चालन वास सामाजिक परिचालक दिपक केसीले गरेका थिए ।
