आठबिसकोट । रुकुम पश्चिमको आठबिसकोट नगरपालिका– ७ मा निर्माणाधीन सार्वजनिक खानेपानी योजना भत्काउने बिरुद्धप्रहरीमा उजुरी परेपछि उत्पन्न विवाद मिलेको छ । केही समुहले निर्माण को अन्तिम चरणमा रहेको बन्दै गरेको योजनाको कलेक्सनच्याम्बर सहित अन्य निर्माण सामग्रीमा पुर्ण क्षति पुर्याएको र योजना अवरुद्ध गर्ने उद्देश्यले तोडफोड गरेको भन्दै उपभोक्ता समितिलेउजुरी दिएका थिए ।
वडा नम्वर –८ की वडा सदस्य सहित ८३ जना बिरुद्ध दिइएको उजुरी फिर्ता लिने र पानीको मुहान टुङ्गो लगाउने विषयमा नगरप्रमुख रविकेसी सहितको उपस्थितिमा विवाद समाधान भएको हो । गत जेठ ५ गते सोमबार बिहान १० :३० बजेको समयमा आठबिसकोटनगरपालिका–८ की निर्वाचित वडा सदस्य बल कुमारी बुढाको नेतृत्वमा आएको महिला पुरुष सहित को समुहले आठविसकोटनगरपालिका वास इकाई सबैको लागि दिगो खानेपानी सरसफाइ तथा स्वच्छता आयोजना अन्तर्गत सञ्चालित आठविसकोटनगरपालिका वडा नम्वर ७ को लाँता गगुनपानी जेबीचौर खानेपानी तथा सरसफाइ योजनाको खानेपानी मुहान भएको आठविसकोटनगरपालिका वडा नं ८ स्थित लाँता भन्ने स्थानमा निर्माण को अन्तिम चरणमा रहेको संरचना भत्काएर क्षति पुर्याएको थियो ।
उक्त विवाद बारे न्यायिक समितिमा उजुरी परेको थियो । न्यायिक समिति को क्षेत्राधिकार भित्र नपर्ने भएपछि समितिले जिल्ला प्रहरीकार्याल रुकुम पश्चिमलाई सिफारिस गरेको थियो ।
उपभोक्ता समितिका अध्यक्ष कालो खत्रीका अनुसार प्रहरीमा सिफारिस गरिएको न्यायिक समितिको पत्र र उजुरी दिइएको निवेदन पनिफिर्ता लिने र मुहानमा भएको क्षति वडा नम्वर ७ ले बेहोर्ने भएपछि सहमति भएको जनाए । यता प्राविधिक मुल्याङकनमा १ लाख ४४हजार बढी क्षति भएको देखिएको छ । भने उक्त आयोजना बाट १४४ घरधुरी लाभान्वित हुने बताईन्छ ।
