रुकुम पश्चिम । हिमाली जिल्ला डोल्पामा यार्सा संकलन गर्न गएका दुई समूहबिच झडप भएको छ । आज शनिवार दिउँसो जिल्लाको ठुलीभेरी नगरपालिका १ ठाला लेकमा यार्सागुम्बा संकलन गर्न गएका दुई समूहबिच झडप हुँदा प्रहरीले दुई राउण्ड हवाई फायर गरेको छ ।

यार्सा संकलनमा सिमा विवादका कारण डोल्पाको काइके गाउँपालिका र ठुली भेरी नगरपालिकाका र रुकुम पूर्वको पुथा उत्तरगंगा गाउँपालिका मैकोट का स्थानीयबिच यार्सागुम्बा संकलनमा विवाद बढेको हो ।

दुबै समुहका स्थानीय बिच भएको झडप नियन्त्रण हुन नसकेपछि हवाई फायर गरेर स्थिति नियन्त्रणमा लिइएको सशस्त्र प्रहरी बलले जनाएको छ । डोल्पाकै स्थानीय विच झडप भएपनी डोल्पा पुगेका पूर्वी रुकुमको मैकोट गाउँका स्थानीय पनि झगडामा सामेल भएको बताइएको छ।