गणतान्त्रिक व्यवस्थालाई चुनौती दिँदै राजावादी समूहले निरन्तर प्रदर्शन गर्न थालेपछि गणतन्त्र पक्षधरहरूले समाजवादी मोर्चाको ब्यानरमा शुक्रबार काठमाडौंमा आमसभा गर्दै छन् भने गणतन्त्रविरोधी आन्दोलन चर्काउने तयारीमा राजवादी समूहले पनि शुक्रबार नै अर्को प्रदर्शन गर्दै छन् । भने अर्कोतिर राजावादीले प्रदर्शन गर्ने भएका छन्।
२ समूहको प्रदर्शन एकै दिन र एकै समयमा परेपछि स्थानीय प्रशासनले दुवैलाई छु्ट्टाछुट्टै स्थानमा प्रदर्शन गर्न निर्देशन दिएको छ । गणतन्त्रवादी र राजावादीलाई सकेसम्म आमने–सामने हुन नदिने रणनीति प्रशासनको छ । त्यसैले, दुवै पक्षलाई प्रदर्शन गर्नका लागि अलग–अलग ठाउँ तोकिएको छ ।
शुक्रबार एउटा समूहले भृकुटीमण्डप र अर्को समूहले तीनकुनेमा सभा गर्ने भएका हुन् । जिल्ला प्रशासन कार्यालयले नै दुवैलाई अलग–अलग स्थानबाट प्रदर्शन र सभा गर्न निर्देशन दिएको छ । जिल्ला सुरक्षा समितिले पनि त्यहीअनुसार सुरक्षा योजना बनाएको छ ।
प्रशासनले नेपाल प्रहरी, सशस्त्र प्रहरी, राष्ट्रिय अनुसन्धान विभाग गरी करिब ६ हजार सुरक्षाकर्मीहरूलाई फिल्डमा खटाएको छ ।
