रूकुम पश्चिमको आठबिसकोट नगरपालिका र जाजरकोटको नलगाड नगरपालिकाले संयुक्तरूपमा अन्तर्राष्ट्रिय महिला दिवस मनाउने भएका छन् । प्रत्येक वर्ष मार्च ८ मा विश्वभर महिला हिंसा विरुद्ध सचेतना फैलाउनका लागि अन्तर्राष्ट्रिय महिला दिवस मनाइन्छ। यसै सन्दर्भमा, आठविसकोट नगरपालिका र नलगाड नगरपालिकाले यस बर्ष ११५औं अन्तर्राष्ट्रिय महिला दिवस विभिन्न कार्यक्रमहरू गरि एकै साथ मनाउने भएका हुन ।

यस वर्षको कार्यक्रममा “सबै महिला तथा बालिकाको लागि अधिकार, समानता र सशक्तिकरण” भन्ने राष्ट्रिय नारासँगै महिला र बाललिकाको आर्थिक र सामाजिक सशक्तिकरणमा योगदान पुर्याउने उद्देश्यका साथ विभिन्न रचनात्मक र सचेतनामूलक कार्यक्रमहरू आयोजना गरिनेछ।

आठविसकोट नगरपालिकाको राडीबजारमा एक भव्य सांस्कृतिक कार्यक्रमको आयोजना गरिनेछ, जसमा मर्यादित महिनावारी स्वच्छता व्यवस्थापनको बारेमा जनचेतना फैलाउने लक्ष्य राखिएको छ। यस कार्यक्रमको लागि नगरपालिका क्षेत्रका सबै वडावासीलाई उपस्थित हुनका लागि अनुरोध गरिएको छ। यदि कुनै वडावासी उक्त कार्यक्रममा सहभागी हुन असमर्थ छन् भने, सम्बन्धित वडाका सरोकारवालालाई आफ्नै क्षेत्रमा सचेतनामूलक कार्यक्रमहरू आयोजना गर्न आग्रह गरिएको छ।