यही फागुन २ गतेदेखि १८ गतेसम्म घोराहीमा आयोजना हुन लागेको ‘छैठौं कृषि, पर्यटन तथा व्यापार महोत्सव–२०८१’ मा नेपालमै पहिलो पटक जलपरी प्रदर्शन तथा दाङमै पहिलो पटक अन्डरवाटर फिस टनेल प्रस्तुत गरिने भएको छ।
Advertisement
महोत्सवका संयोजक बसन्त जोशीका अनुसार, नेपालकै पहिलो जलपरी शोको माध्यमबाट दाङको पर्यटन प्रवर्द्धन हुने विश्वास गरिएको छ। कृत्रिम तालमा जलपरी शैलीमा पौडी खेल्ने र नृत्य गर्ने विशेष कार्यक्रम महोत्सवको प्रमुख आकर्षण हुनेछ। साथै, दर्शकहरूले जलपरीहरूसँग फोटो खिच्ने अवसर पनि पाउने समेत आयोजकले बताएको छ ।
