आठबिसकोट । रुकुम पश्चिमको सानीभेरी गाउँपालिका ५ मा वडाध्यक्ष पदका लागि मतदान शुरु भएको छ । गए राती मौन समयको अवधिको बेलामा उक्त क्षेत्रका मतदातालाई पैसा बाँड्दै गरेको भनेर यतिबेला सामाजिक सञ्जाल भरिएको छ एमाले काँग्रेसको गठबन्धन र माओवादी का उम्मेदवार चुनावी मैदानमा उत्रीएका छन्।
मौन अवधिको समयमा पैसा बाढेको भन्दै माओवादीका कार्यकर्तालाई प्रहरीले नियन्त्रणमा लिएको भनेर काँग्रेस एमालेले का कार्यकर्ताहरुले सामाजिक सञ्जाल फेसबुकमा लेखिरहेका छन्। भने यता माओवादी समर्थक तथा माओवादीका नेताहरुले काँग्रेसका कार्यकर्तालाई प्रहरी नियन्त्रणमा लिएको भनेर लेखिरहेका छन्। ५ नम्वर वडाको घापागारको भदाले भन्ने ठाउँमा मतदातालाई पैसा बाँड्दै गरेको अवस्थामा प्रहरीले माओवादीका कार्यकर्तालाई नियन्त्रणमा लिएको भनेर केहि अनलाईनले समेत समाचार प्रकाशन गरिसकेका छन्।
तर त्यस क्षेत्रबाट कुनैपनी पार्टीका कार्यकर्ताहरु पक्राउ नपरेको जिल्ला प्रहरी कार्यालय रुकुम पश्चिमका सुचना अधिकारी ऋषि पाठकले उज्यालो पाटीलाई जानकारी दिए । उनले भने हामिले कसैलाई पक्राउ गरेका छैनौँ । सो क्षेत्रमा शान्तीपुर्ण तरिकाले मतदान भैरहेको छ । तर यता माओवादी र एमाले काँग्रेसका नेताकार्यकर्ताले एकअर्कालाई आरोप लगाउँदै आएका छन्।
आचारसंहिता उल्लंघनको आरोपमा प्रहरीले सो क्षेत्रबाट कसैलाई पनि पक्राउ नगरेको जिप्रका रुकुम पश्चिमले जनाएको छ । प्रहरीले पक्राउ गरेको भनिएका आठबिसकोट नगरपालिका -१२ का वडाअध्यक्ष खुम्मे कुसारी भन्छन, म आफन्तको बस्न गएको थिए । त्यहाँ पैसा बाढिएको छ । न त कसैलाई पक्राउ गरिएको छ । एमाले काँग्रेस आत्तिएर सामाजिक सञ्जालमा भ्रम छरिरहेका छन्। अर्का एक जना साथि आज भैरहेको निर्वाचनको एजेन्ट भएकाले हामि सँगै थियौ ।
सानीभेरीमा नेपाली काँग्रेसका तर्फबाट मोतिराम खत्री र नेकपा (माओवादी केन्द्र) का तर्फबाट जसीराम बस्नेत उम्मेदवार रहेका छन् । नेपाल राष्ट्रिय मावि घापाघारमा क र ख गरि दुई वटा मतदान केन्द्र कायम गरिएको छ । मतदान केन्द्रमा शान्तीपुर्ण तरिकाले मतदान भैरहेको निर्वाचन कार्यलयले जनाएको छ ।
