आठबिसकोट । अमेरिकाको भर्जिनिया स्थित चान्टिलीमा शुक्रबार बिहानै एउटा कार रुखमा ठोक्किएर पल्टिँदा दुई जनाको मृत्यु भएकोर दुई जना घाइते भएको अधिकारीहरूले बताएका छन्।
चारजना सवार मुस्ताङ फोर्डका चालक डुलेस इन्टरनेशनल एयरपोर्टको ठीक दक्षिणमा रहेको लाउडौन काउन्टी पार्कवे र टाल सेडार्सपार्कवेको छेउमा थिए र बिहान करिब १२:३० बजे दुर्घटना हुँदा चारै जना नेपाली रहेको एनबिसी वासिङ्टनले जनाएको छ।
कार चालक ३० वर्षीय विजय तामाङ लाई प्रहरीले नियन्त्रणमा लिएको छ । भने एकजना उपचाररत छन्। दुर्घटना मा परेर रुकुम पश्चिमको आठबिसकोट नगरपालिका –७ का सुरेश केसी सहित एक नेपालीको मृत्यु भएको जनाईएको छ । केसी केही महिना पहिले अवैध बाटो हुँदै अ्मेरिका पुगेका थिए।
अधिकारीहरुका अनुसार कार चालकले मदिरा सेवन गरेर कार चलाएका थिए । कार अनियन्त्रित भएर दुर्घटना भएको हुनसक्ने आशंकारहेको छ ।
चालक तामाङलाई अधिकारीहरूले जेल पुर्याउनुअघि अस्पताल लगिएको थियो। दुर्घटनामा उनलाई के कति चोटपटक लागेको हो भन्नेखुल्न सकेको छैन । तेस्रो यात्रु पनि घाइते भएका छन् । अधिकारीहरूले उनको चोटबारे थप विवरण भने दिएनन्। प्रहरीले थप अनुसन्धान गरिरहेको बताईएको छ ।
