राडी । रुकुम पह्चिमको आठबिसकोट नगरपालिका, वडा नम्बर ६ दामाचौर,  की जलनप्रभावित शिला कुमारी कामीलाई आज एककार्यक्रम विच बाख्रापालनमा सहयोग भएको छ ।

नगरपालिकाकी उपप्रमुख धनकुमारी शाहीको उपस्थितीमा विभिएस नेपाल नामक गैरसरकारी संस्थाले उनको आर्थिक अवस्थामा सुधारगरि आजीवन गरिने जलन उपचारमा सहजता ल्याउनको लागि माउ बाख्रा सहित २ पाठाहरू पशु बीमा सहित प्रदान गरिएको छ ।

विभिन्न कारणहरू दुर्घटना, आगलागी, असुरक्षित बिजुली बत्ति, तातो तरल पदार्थ तथा केहि जैविक तथा अन्य रसायनिक र पेट्रोलियम पदार्थको कारणले हुने जलन नेपाली समाज तथा विश्वमा निरन्तर रूपमा अदृश्य स्वास्थ्य चुनौतीको रूपमा बढ्दै गइरहेको भन्दै उपप्रमुख शाहीले शिला जस्तै जलन प्रभावितहरूको लागि गरेको यो कार्यक्रम यो क्षेत्रमा पहिलो पटक भएको र सधैभरि जीवन्त हुनमा विश्वास ब्यक्त गर्नुभएको थियो ।

उहाँले विभिएसको यो कार्यले जलनको पीडामा मलम लगाउनुका साथै समाजमा आशाको दियो जस्तै भएको बताउनुभयो । भविष्यमाशिला र उनी जस्ता जलन प्रभावितहरूको लागि नगरपालिकाबाट सक्दो निरन्तर रूपमा सहयोग गर्ने प्रतिज्ञा गर्नुभएको थियो ।

विभिएस नेपालले विगत १६ बर्ष देखि नेपालका विभिन्न जिल्लामा जलन प्रभावितहरूको पक्षमा निरन्तर काम गर्र्दै आइरहेको छ ।संघीय, प्रादेशिक नीतिगत बहस, समुदायस्तरिय सचेतना कार्यक्रमको निर्माण, फिजियोथेरापी, मनोसामाजिक परामर्श, जीविकोपार्जनमा सहयोग, सरकारी अस्पतालमा कार्यरत स्वास्थ्यकर्मीहरूको क्षमता अभिबृद्धि तथा कान्तिबाल अस्पताल, पाटनअस्पताल, बिर अस्पताल, भेरी अस्पताल, प्रादेशिक अस्पताल जनकपुर आदिलाई जलनउपचार प्रयोजनार्थ उच्च प्रविधिका स्वास्थ्य सामाग्रीहरू प्रदान गर्दै आइरहेको छ ।

यो कार्यलाई प्रभावकारी रूपमा सम्पन्न गर्नको लागि स्थानीय विभिएस सम्पर्क ब्यक्ति विरेन्द्र बटालाले समन्वय गर्नुभएको थियो ।