प्रीय पाठकहरु,
Advertisement
आज बाट हामी आएका छौँ ।नेपालमा कटवाल कराएर, कर्नाल फुकेर, दमाहा, ढोलक र झ्याली बजाएर, शंख फुकेर सूचना प्रवाह को युगदेखि भित्रे पत्रीका बाट सुरु भएको नेपाली पत्रकारिताले अहिले ठूलो फड्को मारिसकेको छ । प्रविधिको विकासले विश्व नै डिजिटल युगमा प्रवेश गरिसकेको छ । पत्रकारिताको धर्म, पेसागत मर्यादा र गोपनीयता अधिकारप्रति हामी सचेत रहेर यही प्रविधिको उपज डिजिटल पत्रकारिताको भिडमा हामी पनि जोडिएका छौँ । पछिल्लो समय नेपालमा पनि हजारौंको संख्यामा रहेका नेपाली अनलाइन मिडियाहरुको माझमा हामी पनि आएका छौँ ।
नेपालमा डिजिटल पत्रकारिताको विकास सँगै हामीले सत्य, तथ्य र निष्पक्ष कुरालाई ध्यानमा राखी नयाँ मिडियाका रुपमा रहेको अनलाईन पत्रकारिताको सुभारम्भ गरेका छौँ । सत्यको ऐना देखाउने प्रण सहित हामी निष्पक्ष र सक्रिय रुपमा जनपक्षिय पत्रकारिताको धर्म निर्वाह गर्नेछौँ । हाम्रो लागि यो एउटा नयाँ प्रयास हो ।तपाईहरुको सल्लाह, सुझाव र हौसला हाम्रो लागी महत्त्वपूर्ण हुनेछ ।
समाचारमा शुद्धता, सन्तुलन, विश्वसनीयता र तथ्यपूर्ण सिद्धान्तबाट अभिप्रेरित भएर हामी निष्पक्ष र यथार्थ सहित आम जनताका वास्तविक सवाललाई सम्प्रेषण गर्ने दृढ संकल्पका साथ राष्ट्र, राष्ट्रियता, लोकतन्त्र र जनपक्षिय संञ्चार माध्यमका रुपमा रहनेछौँ।निष्पक्ष समाचार र स्पष्ट विचार उज्यालो पाटीको मूल आधार हुनेछ। हामी कसैप्रति आस्थावान् नभएर स्वतन्त्र पत्रकारिताको नयाँ अभ्यासमा लाग्ने छौँ । सहि सुचना थोरै दिए पुग्छ । समाचारमा प्रतिस्पर्धा होईन सत्यता सँग प्रतिस्पर्धा गर्ने हाम्रो उदेश्य रहेको छ ।
असोज ८ गते देखि हामिले (उज्यालो पाटी को नयाँ यात्रा आरम्भ गरेका छौँ । पत्रकारिताको विश्वब्यापी मूल्य र मान्यतामा रहेर पत्रकारिता गर्ने प्रण हाम्रो पाठक समक्ष गर्दछौँ । पाठकहरुको सूचनाको हकलाई सुनिश्चित गर्दै मर्यादित र जिम्मेवार पत्रकारिता गर्ने प्रण गर्दछौँ । उज्यालो पाटी अनलाइनमा पढ्न, भिडियोमा हेर्न का साथै पोडकास्टमा सुन्न पनी सकिने छ । हाम्रो यो अभियानमा देशविदेशमा रहनु भएका सम्पुर्ण नेपालीहरुबाट रचनात्मक सल्लाह, सुझाव र आलोचनात्मक प्रतिक्रियाको अपेक्षा गर्दै आजदेखि हामीलेउज्यालो पाटी डटकम यहाँहरू माझ सुम्पिएका छौँ ।
धन्यवाद
अध्यक्ष
उज्यालो रिसर्च एण्ड मल्टिमिडिया प्राली
