राष्ट्रिय स्वतन्त्र पार्टी (रास्वपा) का सांसद भरत पराजुलीले भोटेकोशी बाढीमा परी बेपत्ता भएका नागरिकहरूको “मृत्यु दर्ता“ तथा बीमा दाबी प्रक्रियामा भइरहेको कानुनी ढिलाई प्रति सरकारमाथि प्रश्न उठाएका छन् ।
उनले प्रतिनिधि सभाको बैठकमा बोल्दै भने, अन्य सामान्य अवस्थामा वा पुराना नजिरहरूका आधारमा छिट्टै हुनुपर्ने निर्णय प्रक्रियालाई सरकारले २९ दिन वा त्यो भन्दा बढी समय सम्म अल्झाएर राखेको छ । नागरिकले जहिले पनि मृत्यु दर्तामा सास्ती, बाढी,पहिरो जस्ता प्राकृतिक विपत्तिमा परेर बेपत्ता भएका व्यक्तिहरूका परिवारले लामो समय बितिसक्दा पनि “मृत्यु दर्ता“ प्रमाणपत्र पाउन सकेका छैनन्। उनले भने।
कानुनी जटिलताका कारण उनीहरूले राज्यबाट पाउने राहत र बीमा दाबी समेत भुक्तानी पाउन निकै सास्ती खेप्नु परेको भन्दै आक्रोश व्यक्त गर्दै उनले अहिलेको सरकारको ढिलासुस्ती र अरू सरकार वा सामान्य परिस्थितिमा ५ दिनभित्रै हुन सक्ने निर्णय र कानुनी सहजीकरणका कामहरू वर्तमान सरकारले २९ दिन बितिसक्दा पनि किन गर्न नसकेको ? भन्दै प्रश्न उठाएका हुन् ।
