पोखरा : पवित्र महिना श्रावणको सुभारम्भमै गायिका कमला गैरेको आधिकारिक युट्यूब च्यानल मार्फत डिजिटल बजारमा सार्वजनिक भएको “म पनि जान्छु कैलाशमा” बोलको भजन अहिले चारैतिर गुञ्जिन थालेसँगै राम्रो प्रतिक्रिया पाइरहेको छ ।
विगत लामो समय देखि नेपाली सांगीतिक क्षेत्रमा संघर्ष गर्दै सफलताको उचाइमा रहेका कलाकारहरु गायिका कमला गैरे र रामजी पौडेलको सुमधुर आवाज रहेको भजनमा लय तथा शब्द रामजी पौडेलले सृजना गरेका हुन भने तारानाथ आचार्यले एरेन्ज गरेका छन ।
दर्जनौ लोकदोहोरी गीतहरुमा आफ्नो आवाज दिइसकेकी चर्चित गायिका कमला गैरेले भजनमा आफ्नो पहिलो प्रस्तुति रहेको बताएकी छन भने समय सन्दर्भ र माहोल पनि श्रावणको परेको हुँदा अझ धेरै नै दर्शकहरुले सकारात्मक प्रतिक्रिया दिनुभएको भन्दै खुशी व्यक्त गरेकी छन अहिले छोटो समयमा नै गीतलाई लाख भन्दा धेरै दर्शकले हेरिसकेका छन ।
पोखराको निकै लोकप्रिय धार्मिक स्थल पुम्दिकोट शिव भगवानको प्राङ्गणमा तयार पारिएको भजनको भिडियोलाई अनिल कार्कीले छायांकन गरेका छन भने तारानाथ आचार्यले निर्देशन तथा सम्पादन गरेका हुन । भिडियो निर्माणमा हरि पौड्यालले प्रकाश पारेका छन ।
https://youtu.be/qbamld93xtY?si=YCKdtkUlFN4mqzsr
