रुकुम पश्चिम । आठबिसकोट नगर अस्पतालमा स्वास्थ्यका करार कर्मचारीहरु आन्दोलित बनेका छन्। करार सेवाका कर्मचारी लाई समान व्यवहार सेवासुविधा व्यवस्थापन गर्न माग गर्दै अस्पताल प्रशासनसमक्ष ज्ञापनपत्र बुझाइएको छ।
अस्पतालमा कार्यरत करार कर्मचारी र नगरपालिकाको अन्य क्षेत्रमा कार्यरत कर्मचारी बीच विभेद भएका कारण आफुहरु आन्दोलित भएको बताएका छन्। स्वास्थ्य सेवामा कार्यरत कर्मचारी लाई थप सेवासुविधा दिनुपर्ने माग सहित पटक पटक अस्पताल प्रशासन लाई बुझाउँदा सुनुवाई नभएपछि माग पुरा नभएसम्म सेवा ठप्प पार्ने चेतावनी दिएका छन्।
पत्रमा नगर अस्पतालमा कार्यरत करार कर्मचारीहरुले हस्ताक्षार गर्दै मागहरु पुरा नभएसम्म सेवा ठप्प पार्ने उल्लेख गरिएको छ। उज्यालोपाटी लाई प्राप्त सूचाना अनुसार स्वास्थ्यकर्मीहरूले पाचौँ तहको कर्मचारीको तलब २९ हजार र चौथो तहको २३ हजार हुँदा उता नगरपालिकामा कार्यरत अन्य कर्मचारीको तलब भने पाचौं तहको ३४ हजार र चौथो तहको ३२ हजार सहित महँगी भत्ता र स्थानीय भत्ता समावेश गरिएको एक कर्मचारीले उज्यालोपाटी लाई बताए।
