रुकुम पश्चिमको जिल्ला अस्पताल बाट नगद रुपैयाँ सहित औषधि चोरी भएको छ । जिल्लाको मुसिकोट नगरपालिका १ सल्ले स्थित जिल्ला अस्पतालको फार्मेसीमा मंगलबार राति करिब ११ :१५ बजेतिर फार्मेसीमा राखिएको नगद १५ हजार रुपैयाँ सहित केही औषधि चोरी भएको जिल्ला अस्पताल सल्लेका प्रमुख डाक्टर जीवन परियारले जानकारी दिए ।

Advertisement

डाक्टर परियारले उज्यालोपाटी सँग भने,उक्त चोरीमा संलग्न लागूऔषध सेवन गर्ने दुई जना अपरिचित युवालाई आंशका गरिएको छ । हामिले चोरी बारे प्रहरीलाई खबर गरेका छौँ । घटनाको अनुसन्धान भैरहेको छ ।

फार्मेसीबाट कुन औषधि चोरी भयो? भनी एकिन कार्य भैरहेको र औषधि विवरण पत्ता लगाईने अस्पतालले बताएको छ । घटना बारे प्रहरीले अनुसन्धान गरिरहेको छ।