नेपाली कांग्रेस धादिङ जिल्लाका प्रवक्ता विनोदराज तिमल्सेनाले १५ औं महाधिवेशन एकताको महाधिवेशन हुने बताएका छन । धादिङ जिल्लामा भएको एक कार्यक्रममा उनले यस्तो बताएका हुन ।
कार्यक्रममा बोल्दै उनले भने पार्टीभित्रको आन्तरिक कलह मिलाउन नेतृत्व सक्रिया रहेको विश्वास व्यक्त गरेका छन । युवाले पार्टीको नेतृत्व गर्दे पुराना नेताहरुको संम्मान तथा व्यवस्थापन गर्न नेतृत्वलाई उनले आग्रह गरेका छन ।
लामोसमयदेखि पार्टी आन्तरिक विवादमा फसेको हुदा यसबाट निस्कन १५ औं महाधिवेशन एक मात्र विकल्प भएको उनको तर्क छ । पार्टीभित्र गुटको राजनीति १५ औं महाधिवेशनले अन्त्य गर्ने उनले बताएका छन ।
स्वच्छ छवि भएका नेताहरुको प्रतिष्पर्दाबाट पार्टी नेतृत्व अगाडी बढनुपर्ने उनको भनाई छ । साथै कार्यक्रममा उनले सरकार लोकतान्त्रिक पद्धति अनुसार चल्न नसकेको आरोप समेत लगाएका छन । सरकार अध्यादेशको बाटोमा गएको र लोकतन्त्रको मर्म भावनामा ठोस पुगेको उनको तर्क छ । सरकार गैर जिम्मेवार भएको र पुराना राजनीतिक दलहरुलाई फेज आउट गर्न खोजेको उनले बताए ।
