रुकुम पश्चिमको सानीभेरी गाउँपालिका १ स्थित बल्देमा सकेट बम फेला परेको छ । आज बिहान साढे ११ बजेतिर स्थानीय गाईबस्तु चराउन जाने क्रममा वीरबहादुर पुनको बारीमा सकेट बमजस्तो देखिने वस्तु फेला परेको हो ।
Advertisement
घटनाबारेमा वडा अध्यक्ष टेकबहादुर पुनले दिउँसो जिल्ला प्रहरी कार्यालयलाई जानकारी गराएपछी प्रहरी चौकी पुर्तिमकाँडाबाट प्रहरी सहायक निरीक्षक युवराज पाण्डेको कमान्डमा दुई जनाको टोली घटनास्थल पुगेर सुरक्षा व्यवस्था मिलाएको थियो ।
अहिले जिल्ला प्रहरी कार्यालय रुकुम पश्चिमको टोलि सहित नेपाली सेनाको बम डिस्पोजल टोलीमार्फत डिस्पोज गर्ने तयारी गरिएको जिल्ला प्रहरी कार्यालयले जनाएको छ ।
