सामाजिक सञ्जालमा फैलाइएका विभिन्न आरोप–प्रत्यारोपका बीच पुर्व सामाजिक विकास मन्त्री तथा अछाम क्षेत्र नं. १ प्रदेश “ख” बाट निर्वाचित माननीय झपट साउदमाथि लगाइएका आरोपप्रति सचिवालय र पुर्व मन्त्रीको गम्भीर ध्यानाकर्षण भएको छ।
हालै सामाजिक सञ्जालमा सार्वजनिक भएका केही स्टाटस तथा अभिव्यक्तिहरूमा झपट साउदको नाम तेस्रो पक्षका रुपमा जोडि अनावश्यक रूपमा नियतवश भ्रम सिर्जना गर्ने प्रयास भएको भन्दै सरोकारवालाहरूले आपत्ति जनाएका छन्। सम्बन्धित व्यक्तिले नै आफ्नो स्टाटसमार्फत अनावश्यक रूपमा नाम जोडेर भ्रम फैलाइएको र गल्ति स्वीकार गरि माफि मागिसकेको अवस्थामा यस्ता अपुष्ट तथ्यहिन र कसैको स्वच्छ छवि माथि आँच ल्याउन गरिएका भ्रामक सूचनालाई आधार बनाएर चरित्र हत्या गर्ने कार्य निन्दनीय भएको उल्लेख गरिएको छ!
जनताको मतबाट निर्वाचित जनप्रतिनिधि प्रतिनिधि झपट साउदले विगतदेखि नै जनताका मुल समस्या समाधान, भौतिक पूर्वाधार र विकास निर्माण, अधिकारका पक्षमा निरन्तर काम गर्दै आएको भन्दै उहाँमाथि लगाइएका आरोपहरू निराधार रहेको दाबी गरिएको छ। व्यक्तिगत विषयलाई तोडमोड गरी राजनीतिक रंग दिन खोज्नुले बास्तवमै असामाजिक र अमर्यादित गैरकानुनी त हुदैहुन यि यस्ता क्रियाकलापले समाजमा अनावश्यक द्वन्द्व, भ्रम र अविश्वास सिर्जना गर्ने सरोकारवालाहरूको भनाई छ।
यसै सन्दर्भमा सामाजिक सञ्जाल प्रयोगकर्ताहरूलाई सत्यतथ्य नबुझी हल्ला तथा भ्रमपूर्ण प्रचारमा नलाग्न पुर्वमन्त्री ज्युद्वारा आग्रह पनि गरिएको छ। साथै, कसैको व्यक्तिगत प्रतिष्ठा र योगदानमाथि बिना प्रमाण आक्षेप लगाउने कार्य बन्द गर्न समेत अनुरोध गरिएको छ।
सम्बन्धित पक्षहरूले सत्य तथ्य समयमै स्पष्ट हुने विश्वास व्यक्त गर्दै संयमित अभिव्यक्ति र जिम्मेवार नागरिक भएर सामाजिक सञ्जालमा अभिव्यक्ति दिन सबैमा अपिल गरिएको उहाँको सचिवालयले जानकारी दिएको छ।
