रुकुम पश्चिमको आठबिसकोट नगरपालिका-९ नर्सरीमा ‘कर्णाली गार्मेन्ट उद्योग’ औपचारिक रूपमा सञ्चालनमा आएको छ। स्थानीय स्तरमै रोजगारी सिर्जना गर्ने उद्देश्यले स्थापना गरिएको उक्त उद्योगको उद्घाटन एक कार्यक्रमका बीच आज गरिएको हो।
उद्योग सञ्चालनमा आएसँगै यहाँका युवायुवतीलाई सिलाइ कटाइसम्बन्धी तालिम दिई उत्पादनमा संलग्न गराइने सञ्चालक प्रजित खत्रीले बताएका छन्। प्रारम्भिक चरणमा विद्यालय पोशाक, दैनिक प्रयोगका कपडा तथा अन्य तयारी पोशाक उत्पादन गरिने जनाइएको छ।
उद्घाटन कार्यक्रममा आठबिसकोटका मेयर रवि केसीले
स्थानीय सरकारले पनि यस्ता साना तथा मझौला उद्योगले आर्थिक गतिविधि बढाउने विश्वास व्यक्त गरेका छन् । मेयर केसीले उद्योग विस्तारसँगै थप रोजगारी सिर्जना हुने र बाहिरी बजारमा समेत स्थानीय उत्पादनको पहुँच बढ्ने विश्वास व्यक्त गरेका छन्।
दक्ष अनुभवी कालिगड बाट निर्मित सस्तो र स्तरिय सेवा सहित विभिन्न किसिमका लत्ताकपडा तयार गरिने बताईएको छ । उद्योग स्थापना कार्यक्रममा स्थानीय जनप्रतिनिधि, नगर सुरक्षाकर्मी तथा सर्वसाधारणको उपस्थिति रहेको थियो।
