रुकुम पश्चिम । आगामी निर्वाचनलाई लक्षित गर्दै आयोजित जनभेटघाट कार्यक्रममा रुकुम पश्चिम बाट नेपाली कम्युनिस्ट पार्टीका उम्मेदवार गोपाल शर्माले आफू निर्वाचित भएर संसदमा जनताका आधारभूत मुद्दा सशक्त रूपमा उठाउने प्रतिबद्धता जनाएका छन्।
उनले शिक्षा, स्वास्थ्य, रोजगारी, सडक, खानेपानी र कृषि क्षेत्रका समस्या प्राथमिकताका साथ उठाउने बताउँदै भने, “जनताले दिएको मत विश्वासको मत हो, त्यसको सम्मान गर्दै म संसदमा आवाजविहीनको आवाज बन्नेछु।”
उम्मेदवार शर्माका अनुसार गाउँबाट उठेका समस्या सिंहदरबारसम्म पुर्याउने र समाधानका लागि निरन्तर पहल गर्ने आफ्नो मुख्य लक्ष्य रहेको छ। उनले विकासका काममा पारदर्शिता र जनसहभागिता सुनिश्चित गर्ने पनि बताए।
कार्यक्रममा उपस्थित स्थानीयले जनताको पक्षमा दृढ भएर उभिन आग्रह गरेका थिए। उम्मेदवारले जनताको साथ र विश्वासले आफूलाई अझ जिम्मेवार बनाएको उल्लेख गर्दै समृद्ध र न्यायपूर्ण समाज निर्माणमा सहकार्यको अपिल गरे।
