रुकुम पश्चिम। जिल्ला प्रहरी कार्यालय रुकुम पश्चिमका प्रहरी प्रमुख डिएसपी बेद बहाडुर पौडेलले आगामी निर्वाचनलाई शान्तिपूर्ण, निष्पक्ष र भयरहित वातावरणमा सम्पन्न गर्न सबै राजनीतिक दल, उम्मेदवार, मतदाता तथा सरोकारवाला निकायले सहकार्य गर्नुपर्नेमा जोड दिइएका छन् ।
मुख्य निर्वाचन अधिकृतको कार्यालयको आयोजनामा निर्वाचन आचारसंहिता सम्बन्धी राजनीतिक दलहरू संगको बैठक तथा छलफलमा बोल्दै जिल्ला प्रहरी प्रमुखले निर्वाचन लोकतन्त्रको आधार भएकाले यसलाई स्वच्छ र पारदर्शी बनाउन सामूहिक जिम्मेवारी आवश्यक रहेको बताए। “कानूनभन्दा माथि कोही हुँदैन। निर्वाचनलाई प्रभावित पार्ने कुनै पनि गतिविधि सह्य हुँदैन,” र त्यस्तो कार्य नहुनेमा जोड दिदैं उनले थप स्पष्ट पारे।
प्रहरी प्रशासनले सुरक्षा योजना तयार गरिसकेको जनाउँदै उनले मतदान केन्द्रको सुरक्षा, संवेदनशील क्षेत्रको निगरानी तथा आचारसंहिताको प्रभावकारी कार्यान्वयनमा विशेष ध्यान दिइने बताए। नेपाल प्रहरले आवश्यक जनशक्ति परिचालन गरी शान्ति सुरक्षा सुदृढ पार्ने जनाएको छ।
यस्तै, निर्वाचन आयोग सँग समन्वय गरी निर्वाचन आचारसंहिताको उल्लंघन भए तत्काल कारबाही गरिने चेतावनी समेत दिइएको छ।
प्रहरी प्रमुखले सामाजिक सञ्जालमार्फत फैलाइने भ्रामक सूचना र अफवाहबाट सतर्क रहन आग्रह गर्दै मतदातालाई ढुक्क भएर मतदान प्रक्रियामा सहभागी हुन अपिल गरे।
