आगामी फागुनमा हुने निर्वाचनको लागि माहोल बनाउन विभिन्न दलका तथा स्वतन्त्र तर्फका उम्मेदवारहरु जनताको माझमा पुग्ने भागदौड तिव्र रूपमा बढिरहेको छ । नेकपा एमाले बाट कास्की क्षेत्र नम्बर २ का उम्मेदवार रश्मि आचार्य आफ्नो क्षेत्र भित्रका गाउँ-गाउँ टोल-टोलमा जनताहरुको गुनासो र सुझाव सहित आशीर्वाद लिने भन्दै घरदैलो कार्यक्रममा लागिरहेका छन ।
वर्तमान सन्दर्भमा उठान गर्नु पर्ने जनसवालहरु, प्रतिबद्धता पत्रमा समावेश गर्नु पर्ने मुद्दाहरु लगातय स्थानिय विकास र देशको समृद्धिसँग अभिन्न रुपले जोडिएका विषयहरुमा वहस, विमर्श र अन्तर्क्रिया गर्ने उदेश्यका साथ कास्की क्षेत्र नम्बर २ भित्र पर्ने ११ वटै वडामा रश्मि आचार्यले भेटघाट गरिरहेका छन ।
जनताको सुझावकै जगमा आफ्नो प्रतिबद्धता पत्र तयार पार्ने गरि जनतामाझ पुगिरहेका आचार्यले जरुरतको बेला जनताको फोन नउठाउने होइन कल व्याक गर्ने प्रतिनिधि बन्ने बताएका छन ।
कानुनमा राम्रो ज्ञान भएका अधिवक्ता आचार्यले आफ्नो दक्षता र क्षमताको आधारमा योग्य सम्झिएर पार्टीले उम्मेदवार बनाएको भन्ने कुरामा प्रष्ट रहेको उल्लेख गर्दै अहिले देशमा मुख्य आकर्षणमा रहेका जेन्जीहरुको मागलाई सम्बोधन गर्न आफ्नो पहल रहने जानकारी दिएका छन यसैको लागि फागुन २१ सम्म सबैको माझमा पुगेर आशीर्वाद लिने र आफू निर्वाचित भएपछि जनतासँगै बसेर योजना बनाएर जाने बताएका छन ।
