रुकुम पश्चिममा आगामी निर्वाचनलाई लक्षित गर्दै नेपाली कांग्रेस रुकुमका उम्मेदवारहरू गाउँ–गाउँमा पुगेर जनभेटघाट कार्यक्रमलाई तीव्रता दिएका छन्। उम्मेदवारहरूले स्थानीय जनताको घरदैलोमा पुगेर उनीहरूको समस्या, आवश्यकता र अपेक्षाबारे प्रत्यक्ष छलफल गरिरहेका छन्।
रुकुम पश्चिमबाट प्रतिनिधिसभाका लागी प्रत्यक्ष तर्फका उम्मेदवार राजु केसी र समानुपातिक तर्फका उम्मेदवार मान बहादुर नेपालीले आठबिसकोटमा आज अगुवा कार्यकर्ता भेटघाट कार्यक्रम गरेका हुन।
जनभेटघाटका क्रममा विकास, रोजगारी, शिक्षा, स्वास्थ्य र पूर्वाधारका विषयमा नागरिकले उठाएका प्रश्न र सुझावलाई गम्भीरतापूर्वक सुन्ने र समाधानका लागि प्रतिबद्धता जनाउने काम भइरहेको कांग्रेसले जनाएको छ। कार्यक्रममा बोल्दै उम्मेदवार केसीले युवाहरूलाई लक्षित गरेर पार्टीले आफुलाई उम्मेदवार बनाएको र अब रुकुमले जिताएर पठाउने विश्वास व्यक्त गरे ।
त्यस्तै अर्का समानुपातिक उम्मेदवार मान बहादुर नेपालीले
स्थानीयवासीहरूले उम्मेदवारसँग प्रत्यक्ष संवाद गर्न पाउँदा सकारात्मक प्रतिक्रिया दिएको बताए । उनले भने अब रुकुममा काङग्रेसको जीत निस्चित छ । पुर्व माओवादी लक्षित नेपालीले भने, गिद्धले माउ उठाएपछि चल्लाको जसरी बिचल्ली भएको हुन्छ? त्यसैगरी अहिले माओवादीका कार्यकर्ताको बिचल्ली भएको छ । उहाँहरुलाई पनि काँग्रेसमा स्वागत छ । र भोट पनि काँग्रेसलाई नै हाल्नुहुन्छ।
पुर्व माओवादीका साथिहरु अहिले माउ बिनाका चल्ला जस्तै विचलित भएका छन् । अब हामीले माओवादी को गढ भत्काउने छौँ ।
कांग्रेस रुकुमले जनताको विश्वास जित्दै लोकतान्त्रिक मूल्य, समावेशी विकास र सुशासनलाई प्राथमिकतामा राखेर चुनावी अभियान अघि बढाइरहेको बताएको छ।
