पोखरा : युवाको जागर राष्ट्र निर्माणको आधार भन्ने मुल नाराका साथै शिक्षा स्वास्थ्य खेलकुद र पर्यटनको लागि गत पुष २९ गते देखि आयोजना गरिएको १४औँ पोखरा महोत्सव आइतबार सकिएको छ ।
पुष २९ गते देखि माघ ११ गतेसम्म युनाइटेड क्लब पोखराले आयोजना गरेको १४औँ संस्करणको पोखरा महोत्सव पोखरा महानगरपालिकाका मेयर धनराज आचार्यले समापन गरेका छन । पोखराकै उत्कृष्ट महोत्सव पोखरा महोत्सवलाई रातो किताबमा राखेर महानगरले अगाडि बढाएको भन्दै मेयर आचार्यले समापन समारोहमा पोखरा महोत्सव एक पृथक महोत्सव साथै पोखराको गौरव बोकेको महोत्सव रहेको बताएका थिए ।
महोत्सव आयोजना सँगै युनाइटेड क्लब पोखराले पोखरा २७ मा निर्माण गरिरहेको युनाइटेड छात्रावास निर्माणका लागि महानगरको तर्फबाट आवश्यक साथ सहयोग गरिने समेत मेयर आचार्यले प्रतिबद्धता व्यक्त गरेका छन सँगसँगै महोत्सव आयोजना गरि गरिरहेको सामाजिक कार्यको उनले प्रशंसा गरेका थिए ।
त्यसैगरी महोत्सवकै आयोजना गरी पोखरा २७ मा युनाईटेड क्लबले निर्माण गरिरहेको युनाईटेड छात्राबास निर्माणका लागि महानगरको तर्फबाट साथ र सहयोग गर्ने प्रतिवद्धता समेत ब्यक्त गरे । युनाईटेड क्लबले महोत्सवको आयोजना गरि गरिरहेको सामाजिक कामको समेत मेयर आचार्यले प्रशंसा गरे ।
पोखरामा खुल्ला चिडियाखाना निर्माण सँगै निर्माणधिन युनाइटेड छात्रावास लगायत शिक्षा स्वास्थ्य क्षेत्रमा युनाइटेड क्लबले गरिरहेको कामको प्रसंशा गर्दै महोत्सवमा स्थानीय उत्पादनलाई महत्त्व दिएर आफ्ना पालिकाका कृषकहरुलाई समेत सहभागी गराएकोमा रुपा गाउँपालिकाका अध्यक्ष नवराज ओझाले धन्यवाद व्यक्त गरेका थिए ।
पोखरा महोत्सव १४औँ संस्करणमा आइपुग्दा युनाइटेड क्लबले आयोजना गर्दै आएको पोखरा महोत्सवसँग ९औँ संस्करण देखि लगातार ६ वर्ष सहकार्य गर्न पाउँदा गर्व लागेको भन्दै महोत्सवको मुख्य प्रायोजक रबि एण्ड शन्नी इण्डष्ट्रीज प्रालिको उत्पादन बेटरका निर्देशक बिनोद रौनियारले आगामी दिनमा पनि सँगै अगाडि बढ्ने बताएका छन ।
१२ दिनसम्म सञ्चालित महोत्सव आयोजना गरिएको पहिलो दिन देखि नै हरेक दिन दिउँसो ख्याती प्राप्त कलाकारहरुको बेजोड प्रस्तुति राखिएको थियो भने राति पनि ख्याती प्राप्त कलाकारहरुको लाइभ कन्सर्ट राखिएको थियो भने महोत्सवलाई दुई लाख पचास हजार भन्दा बढी दर्शकले अवलोकन गरेका छन साथै करिब ९ करोड बढीको कारोबार भएको व्यवसायिहरु बाट जानकारी आएको महोत्सवका अर्थ तथा स्टल व्यवस्थापन उप-समिति संयोजक जयराम आचार्यले बताएका छन ।
