रुकुम पश्चिममा सरुवा भई आइपुगेका प्रहरी नायब उपरीक्षक डिएसपी बेद बहादुर पौडेलले आज रुकुम पश्चिम जिल्लाको जिम्मेवारी सम्हालेका छन्। आज जिल्लाको जिम्मेवारी सम्हाल्दै पौडेलले रुकुम पश्चिममा शान्ति सुरक्षा र अपराध नियन्त्रणमा प्रहरीको प्रमुख भूमिका रहने बताएका छन् । डिएसपी पौडेलले आज जिल्लास्थित सञ्चारकर्मीहरूसँगको परिचयात्मक कार्यक्रममा आफ्नो कार्यकालमा जिल्लाको शान्ति सुरक्षा मजबुत हुने विश्वास व्यक्त गरे।

Advertisement

जिल्लामा शान्ति सुरक्षा र अमनचयनको वातावरण निर्माण तथा अपराध नियन्त्रण र रोकथाम न्यूनीकरणमा ध्यान दिने बताउदै उनले सुरक्षा व्यवस्थामा कमी नहुने जानकारी गराए। आगामी फागुनमा हुन लागेको चुनावका लागी समेत जिल्लामा शान्ति सुरक्षामा समेत प्रहरीले प्रभावकारी काम गर्ने उनले बताए ।