असल छिमेकी नेपाल संस्थाले नलगाड नगरपालिका जाजरकोटका विपत प्रभावित समुदायका कृषकहरुलाई किवी खेती सम्बन्धी ४ दिने तालिम सञ्चालन गरेको छ। असल छिमेकीको आयोजना र नलगाड नगरपालिकाको समुन्यमा तालिम सञ्चालन गरिएको हो ।

नलगाड नगरपालिकाको वडा नं ६ मा यही मंसिर १४,१५, २२ र २३ गते उक्त तालिम सञ्चालन गरिएको थियो । ६० जना विपत प्रभावित समुदायका कृषकहरुलाई किवी खेती सम्बन्धी तालिम दिईएको असल छिमेकी नेपाल संस्थाका प्रोजेक्ट सुपरभाइजर दान महताराले जानकारी दिनुभयो ।

किवी खेती सम्बन्धी तालिम सञ्चालन गरेकोमा कृषकहरूले संस्थालाई धन्यवाद दिएका थिए ।

अहिले किविको सीजन भएकाले समयसापेक्ष तालिम सञ्चालन गरिएको संस्थाले जनाएको छ । नलगाड नगरपालिकाका कृषि शाखा प्रमुख अमृत अधिकारी लगाएतले तालिमको सहजीकरण गर्नुभएको थियो