रुकुम पश्चिमको आठबिसकोट नगरपालिका ४ गोतामकोटमा रहेको ज्ञानोदय मावि चौताराको विवादले यतिबेला संजाल तातिएको छ। हिजो मंगलबार विधालयमा विवाद भएको भिडियो सार्वजनिक भएको छ।
विधालय समयमा केही युवाहरु प्रवेश गरेर भ्रस्टाचार भएको भन्दै छलफल भैरहेको बेला विवाद चर्किएपछि हातपात समेत भएको बतैइएको छ। विधालयमा रकम हिनामिना भएको भन्दै एक युवतीले युवाहरु लाई त्यसको छानविन गर्न अनुरोध गरेको र युवाहरुले उनको आग्रहमा बिधालयमा गएर छलफल भएको बुझिएको छ।
उक्त विधालयका पुर्व विव्यस अध्यक्ष यज्ञ विक माथि बिधालय व्यवस्थापन समितिकी सदस्य भावना बुढाले हातपात र अभद्र व्यवहार गरेको घटना बाहिरिएको छ। विक विव्यस समितिको अध्यक्ष हुँदा रकम अनियमितता भएको ती युवतीको आरोप छ।
विधालयका प्रधानाध्यापक ललित विष्टका अनुसार पुर्व विव्यस अध्यक्ष यज्ञ विकले आफ्नो कार्यकाल सकिदा ५८ हजार रुपैयाँ बचेको र सो रकम बिधालय प्रयोजनका लागी खर्च भैसकेको बताए। बिष्टले उज्यालोपाटी सँग भने, बिधालयको बिभिन्न कार्यमा प्रयोग भएको भनि खर्च भएको बिल समेत विधालयमा पेश भएको छ। ५८ हजार मध्ये बिधालयको अदालती प्रक्रियामा ३४ हजार खर्च भएको विल बिधालयमा रहेको र अन्य बाँकी पनि स्कुलकै नाममा खर्च भएको भनेर पुर्व अध्यक्षले प्रष्ट पारेको उनले बताए।
पुर्व अध्यक्ष विक भन्छन ,केही परिचालित युवाहरुको उक्सावटमा म माथि अभद्र व्यवहार भयो। छलफलका लागी बोलाएर बिधालय परिसरमा मेरो चरित्र हत्या हुनेगरी योजनाबद्ध तरिकाले आक्रमण गर्न खोजेको बताएका छन्। बिधालयको रकम अनियमितता नभएको र आफूमाथि अन्याय भएको भन्दै कानुनी प्रक्रियामा जाने जानाकाररी दिए। विक आठबिसकोट नगरपालिकाको कार्यपालिका सदस्य समेत हुन्। उनी माथि अन्याय भएको भन्दै अहिले उनी निकट नेपाली कम्युनिष्ट पार्टीका नेता कार्यकर्ताहरुले सामाजिक संजालमा चर्को आवाज उठाइरहेका छन्।
यता अभिषेक केसीको नेतृत्वमा बिधालयमा छलफलका लागी गएको समुहले भने आफुहरु सँग रकम हिनामिना भएको अडियो रेकर्ड सहितका अन्य प्रमाणहरु भएको दाबी गरेका छन्। उक्त प्रमाणहरु सोही बिधालयकी विव्यस समिति सदस्य बुढाले उपलब्ध गराएको भिडियोमा उल्लेख गरिएको छ।
