सल्यान जिल्लाकाे अन्तिम संगम ब्राथमा धार्मिक एवम् पर्यटकीय गन्तव्य रहेको छ। यहाँबाट रुकुम काे सिस्ने लगायत अन्य हिमालयन दृश्य र उच्च पहाडी तथा समथर भूभाग सहजै अवलोकन गर्न सकिन्छ। यहाँ हरेक वर्ष मंसिर शुक्ल द्धादशीका दिन मेला लाग्ने गर्छ। एकादशीमा ब्राथमा ब्राह पुजा गर्ने प्रचलन रहेको छ।यहाँ सल्यान रुकुम राेल्पा र दाङ सम्म बाट मेला भर्न आउने गरेको पाइन्छ। आज स्थानीय उज्यालो युवा क्लबकाे नेतृत्वमा शिक्षक, किसान र ब्यापारीकाे उपस्थितिमा फाेहर संकलन गरिएको सचिव घनराज खड्काले बताउनु भएको छ।

गत मंसिर १६ गते लागेको मेलामा हजारौँ भक्तजन र पर्यटकहरू भेला भएका थिए। तर मेलापछि सो क्षेत्रमा फोहोर व्यवस्थापन नहुँदा प्लास्टिक जन्य पदार्थ र अन्य फोहर जमेर वातावरणीय समस्या देखिएको थियो।

आज गरिएको अभियानले ती फोहोरहरू संकलन गरी उचित स्थानमा व्यवस्थापन गरिएको छ। क्लबका सचिव घनराज खड्का अनुसार मेलापछि फोहोर व्यवस्थापनमा ढिलाइ एवम् ब्यवस्थापन समितिले बेवास्ता गरेकाे र अबदेखि मेलापछि तुरुन्त सरसफाइ अभियान सञ्चालन गर्ने योजना तयार गरिएको बताउनु भयो। उहाँका अनुसार “ब्राथमा लेख धार्मिक सम्पदा मात्र नभएर पर्यटकीय आकर्षण पनि भएकाले यसलाई सफा र व्यवस्थित राख्न सबैको जिम्मेवारी भएको बताउनु भयो ।

स्थानीय युवा क्लबका सचिव घनराज र सदस्य अर्जुन खड्का शिक्षक गणेश र राम प्रकाश खड्का किसान प्रेमबहादुर खड्का र ब्यापारी रमेश खड्काले मेलापछि गरिएको सरसफाइ अभियानमा सक्रिय सहभागिता जनाएका छन्। उनीहरूले हरेक वर्षको मेला सकेपछि निरन्तर सरसफाइ कार्यक्रम सञ्चालन गर्ने प्रतिबद्धता जनाएका छन्।

ब्राथमा लेक क्षेत्र धार्मिक आस्था, प्राकृतिक सौन्दर्य र सांस्कृतिक विविधताको संगम स्थल मानिन्छ। यो पछि समय पर्यटन आउजाउ गर्ने राप्ती राज मार्गको काखैमा रहेको छ।स्थानीय तहको सक्रियता र जनसहभागितासँगै यस क्षेत्रलाई स्वच्छ, आकर्षक र दिगो पर्यटनस्थलका रूपमा विकास गर्ने अपेक्षा गरिएको छ।