रुकुम पश्चिमको आठबिसकोट नगरपालिकाको आज बसेको १ सय ११ औँ नगरकार्यपालिका बैठकले बाँफिकोट गाउँपालिका ७ लिस्नेमा जिप दुर्घटना बाट ज्यान गुमाएका परिवारलाई राहत दिने भएको छ । दुर्घटनामा परी ज्यान गुमाएकाका प्ररिवारलाई प्रति परिवार २५ हजारका दरले राहत उपलब्ध गराउने निर्णय गरेको हो ।

Advertisement

नगरपालिकाका प्रवक्ता देव बहादुर घर्तीका अनुसार आज सम्पन्न नगर कार्यपालिका बैठकले प्रति मृतक परिवार २५ हजारका दरले राहत उपलब्ध गराउने निर्णय गरेको हो। गत कार्तिक ७ गते रुकुम पश्चिमको मुसिकोट खलंगाबाट आठबिसकोट नगरपालिकाको स्यालाखदी जादैगर्दा जिप दुर्घटना हुँदा वडा नम्बर १, २ र ३ का ८ जनाको मृत्यु भएको थियो ।