रुकुम पश्चिम । रुकुम पश्चिमको आठबिसकोट नगरपालिका -९ का युवक भारतमा सम्पर्क बिहिन भएका छन्। आठबिसकोटका २४ वर्षिय युवक भारतको हिमाचल प्रदेश बाट घर फर्कने क्रममा उनी सम्पर्क बिहिन भएका हुन्।
गत कार्तिक १७ गते राती भारतको हरिद्वार बाट उनी सम्पर्क बिहिन भएको परिवारले बताएका छन्। वडा नम्वर ९ बटालागाउँका २४ वर्षका बिनोद बस्नेत हाल सम्म पनि परिवारको सम्पर्कमा नआए पछि परिवारले खोजतलासी गरेर सहयोग गरिदिन अनुरोध गरेको छ ।
सम्पर्क बिहिन भएका बस्नेतका मामा नरेन्द्र खत्रीका अनुसार उनी एक हप्त्ता देखि सम्पर्क बिहिन भएका छन्। कार्तिक १७ गते राती ११ बजे अन्तिम फोन भएको र त्यसपछी घर पनि नआएको र सम्पर्कमा पनि नरहेको खत्रीले बताए ।
उनलाई कतै देखेमा 9847281631 र भारतको 6230237196 नम्वरमा सम्पर्क गर्न अथवा नजिकैको प्रहरी कार्यालयमा सम्पर्क गरिदिन परिवारले आग्रह गरेको छ ।
