पूर्वमन्त्री एवं नेपाली काँग्रेसका पूर्वसांसद् मोहम्मद अफताब आलमको निधन भएको छ ।उपचारको क्रममा आज बिहान ३ बजेतिर उनको काठमाडौँको सिनामंगलस्थित केएमसी अस्पतालमा निधन भएको हो।

Advertisement

उनको केही दिनअघि देखि केएमसीमा भेन्टिलेटरमा राखेर उपचार भइरहेको थियो । पारिवारिक स्रोतका अनुसार गत कार्तिक दोस्रो साता मुटुमा समस्या देखिएपछि उनलाई अस्पताल भर्ना गरिएको थियो।

संविधानसभा निर्वाचनको अघिल्लो राति २७ चैत २०६४ मा रौतहटको राजपुरस्थित आलमका काका शेख इन्द्रिसको घरमा बम बनाउने क्रममा विस्फोट हुँदा श्रीनारायणका कान्छा छोरा २२ वर्षीय त्रिलोकप्रताप सिंह र स्थानीय ओशी अख्तरसहित घाइते भएका थिए ।

घाइतेहरूलाई उपचारको साटो जिउँदै इँटाभट्टामा लगेर जलाएर हत्या गरेको मुद्दामा उनलाई जिल्ला अदालत रौतहटले दोषी ठहर गर्दै जन्मकैदको फैसला सुनाएको थियो ।