पोखरा : पश्चिमाञ्चल क्षेत्रीय अस्पताल पोखरामा कार्यालय समय भित्र एक कर्मचारीले फोनमा कुरा गरिरहेको भिडियो सार्वजनिक गरिदिएको भन्दै उज्यालो पाटीका गण्डकी प्रदेश प्रमुख सुजन बिश्वकर्मालाई चौतर्फी धम्की र गाली आइरहेको छ ।

अहिले सामाजिक सञ्जालमा भाइरल भएको उक्त भिडियोमा कर्मचारीले कर्मचारी आचारसंहिता र अनुशासनको पालना नगरी कार्यालय समय भित्र नै व्यक्तिगत फोनमा संवाद गरिरहेको देखिएको छ । सरकारी निकायका विभिन्न संस्था र शाखाहरुमा यस्ता गतिविधिहरु दिनहुँ देख्न पाइन्छ र पनि अस्पताल जस्तो संवेदनशील ठाउँमा कर्मचारीहरु संवेदनशील नहुँदा अति गम्भीर प्रकृतिका बिरामीहरुले ज्यान समेत गुमाउने जोखिम रहन्छ ।

गत कार्तिक ९ गते करिब मध्यान्ह १२:०६ बजे पश्चिमाञ्चल क्षेत्रीय अस्पतालको इमर्जेन्सी तर्फ बिलिङ काउन्टरमा क्षमता भन्दा धेरै र सधैं भन्दा बढी भिडभाड भएको हुन्छ । सेवाग्राहीहरुको हो-हल्ला चलिरहेको हुन्छ । त्यही भिडको लाइनमा उज्यालो पाटीका गण्डकी प्रदेश प्रमुख सुजन बिश्वकर्मा पनि सेवा लिनको लागि कुरिरहेका हुन्छन् । अचानक मान्छेहरुले यो भएन त्यो भएन भन्दै बोल्न थालेपछि अगाडि हेर्दा कर्मचारी कानमा मोबाइल राखेर बाहिरको भिडलाई बेवास्ता गर्दै गफ गरिरहेकी हुन्छिन् । त्यही समयमा खास कुरा बुझ्नकै लागि बिश्वकर्मा अगाडि जान्छन् र फोनमा कुरा गरिरहेको कर्मचारीलाई बाहिर भिड धेरै भएको गम्भीर अवस्थाका बिरामीहरुको आफन्त कुरिरहेको र फोन छोडेर सेवा दिनको लागि अनुरोध गर्छन् तर ती कर्मचारीले कुनै प्रतिक्रिया नदिइ फोनमै कुरा गरिरहन्छिन । पटकपटक गुनासो गर्दा पनि सुनुवाइ नभएपछि आफ्नो परिचयपत्र देखाउदै भिडियो खिच्न थालेपछि ती कर्मचारीले फोनमा कुरा गर्न बन्द गर्छिन र कुनै आत्मग्लानी बिनै सेवा दिन सुरु गर्छिन l

घाटनाको सबै नालीबेली भिडियोमा बुझ्न सकिँदैन तर पनि कार्यालय समयमा कर्मचारी आचारसंहिता र अनुशासन बिपरित आफ्नो व्यक्तिगत मोबाइल बाट कुरा गरिरहेको दृश्य र उनेले निर्धक्क बोलिरहेको वाक्य चाहिँ प्रष्ट देख्न सकिने उक्त भिडियोमा सेवाग्राहीको भिड र गुनासो समेत सुनिन्छ । यति प्रमाण सहित जस्ताको त्यस्तै भिडियो सामाजिक सञ्जालमा राखेकै भरमा अहिले सुजन बिश्वकर्मा चौतर्फी गाली बेइज्जतीको सिकार भएको छन ।

विभिन्न उदाहरण दिँदै कर्मचारीहरुको पनि व्यक्तिगत जीवन हुन्छ फोनमा बोल्न पाउनुपर्छ भन्दै गाली गर्नेहरुमा अधिकांश कर्मचारीहरु नै छन । अस्पताल जस्तो संवेदनशील ठाउँ अझ इमर्जेन्सी सेवामा नै यस्तो लापरबाही हुँदा एक सेकेन्डको ढिलाई बाट बिरामीले ज्यान गुमाउन परे यसको जवाफदेही को हुने ?

एक त अस्पताल व्यवस्थापन र कर्मचारीहरुको लापरबाहीले गर्दा जहाँ बाट सेवा लिनुपर्ने हो त्यहाँसम्म पुग्नै गार्‍हो छ । एउटै कोठा नम्बर र एउटै शाखा धेरै जस्तो देखिने गरि बनाइएको त्यहा भित्र बाट २ नम्बर जाउ भनेर पठाए पनि घन्टौं लाइन बसेर पालो आएपछि अर्को २ नम्बर हो भनेर सेवाग्राहीहरुलाई सास्ती दिइरहेको र यो दुख स्वयं आफुले समेत भोगेको पत्रकार सुजनको भनाई छ ।