सशस्त्र प्रहरी महानिरीक्षक राजु अर्यालले चाडपर्व सुरक्षा र आगामी आम निर्वाचनको पूर्व तयारीमा जुट्न मातहत इकाईहरुलाई निर्देशन दिएका छन्।

बडादशैँ, तिहार, नेपाल संवत् र छठ पर्व लक्षित सुरक्षा योजनालाई प्रभावकारी बनाउन उनले सीमा नाकामा सहायता डेस्क स्थापना गर्ने, समकक्षी सुरक्षा निकायहरूसँग समन्वय गर्ने र नागरिकलाई सुरक्षित आवागमन सुनिश्चित गर्ने व्यवस्था मिलाउन आदेश दिए।

अर्यालले विपद् व्यवस्थापनमा उद्धार टोलीलाई तयारी अवस्थामा राख्ने, प्रारम्भिक चेतावनी प्रणाली उपयोग गर्ने र राजस्व चुहावट रोक्न सीमा क्षेत्रमा सक्रियता बढाउन जोड दिए।

उनले जेन-जी आन्दोलनमा ज्यान गुमाउनेप्रति श्रद्धाञ्जली अर्पण गर्दै आगामी फागुन २१ गते हुने आम निर्वाचनलाई शान्तिपूर्ण र निष्पक्ष बनाउन प्रारम्भिक तयारी सुरु गर्न पनि निर्देशन दिएका छन्।