रुकुम पश्चिम । यहाँको मुसिकोट नगरपालिकाले अस्थायी र करार सेवामा कार्यरत कर्मचारी जागिर बाट हटाएको छ । नगरपालिकाले हिजो शुक्रवार एक सूचना जारी गर्दै कार्यालयमा कार्यरत स्वीकृत दरबन्दी बाहेकका अस्थायी नियुक्ति भएका र करार सेवामा कार्यरत स्वास्थ्यकर्मी, शिक्षक तथा अन्य कर्मचारीको सम्झौता नविकरण नगर्ने भएको हो ।
आजदेखि लागु हुने गरी नियुक्ति र करार सम्झौता रद्द गरिएको मुसिकोट नगरपालिकाका प्रमुख प्रशासकीय अधिकृत मोहनप्रकाश गिरीले जारी गरेको सूचनामा उल्लेख गरिएको छ ।
पत्रमा भनिएको छ।, सङ्घीय मामिला तथा सामान्य प्रशासन मन्त्रालयको असोज ८ गते र अर्थ मन्त्रालयको असोज ७ गतेको परिपत्र अनुसार नेपाल सरकारको असोज ५ गतेको बैठकबाट नेपाल सरकार, प्रदेश तथा स्थानीय तहमा स्वीकृत दरबन्दी बाहेकका अस्थायी तथा करारका कर्मचारी राख्न नपाउने निर्णय गरेको हुँदा सोही बमोजिम मुसिकोटमा कार्यरत करार कर्मचारीहरुको सम्झौता आज असोज ११ गतेदेखि लागुहुने गरी नियुक्ति , सम्झौता रद्द गरिएको छ । नगरपालिकामा अन्य कर्मचारी सहित ८७ जना नगर कराकर शिक्षक कार्यरत रहेका छन्। *
