आठबिसकोट । रुकुम पश्चिमको आठबिसकोट नगरपालिकामा वर्षा पछि अवरुद्ध ग्रामीण सडकहरु मर्मत तथा सोरपुछ सुरु गरिएको छ । आठबिसकोट नगरपालिकाको ११० औँ कार्यपालिकाको बैठकबाट अवरुद्ध सडकहरु सञ्चालन गर्ने निर्णय गरिएको हो ।

सबै वडा कार्यालयहरु र गाउँ टोल जोड्ने कच्ची सडक वर्खाको समयमा अवरुद्ध भएका थिए । नगरपालिकाले चाडपर्व नजिकिए सँगि यात्रुलाई आवतजावत मा सहजताको लागी तत्काल सडक मर्मत सम्भार गर्न लागेको बताइएको छ ।

सडक मर्मत सम्भारका लागी प्राविधिकको मुल्याङकनका आधारमा अवरुद्ध सडक मर्मत गर्ने निर्णय गरिएको छ । नगरपालिकाको निर्णय पछी प्रत्येक वडा मार्फत समिति गठन गरेर सडक मर्मत सम्भार गरिने भएको हो ।