प्रिय पाठक, शुभेच्छुक तथा समर्थक महानुभावहरू,
आज उज्यालोपाटीले आफ्नो पहिलो वार्षिकोत्सव मनाउँदैछ। यो खुसी तपाई पाठक समक्ष बाढ्न पाउदा हामीलाई थप उर्जा मिलेको छ । यो छोटो तर महत्त्वपूर्ण यात्रामा हामीसँग हातेमालो गर्दै अघि बढ्नु हुने सबैप्रति हार्दिक आभार व्यक्त गर्न चाहन्छौँ। तपाईँहरूको विश्वास, माया र सुझावले नै उज्यालोपाटीलाई निरन्तर अगाडि बढ्न ऊर्जा प्रदान गरेको छ।
गएको १ वर्षमा हामीले तथ्यमा आधारित, निष्पक्ष र जिम्मेवार पत्रकारितालाई प्राथमिकता दिंदै डिजिटल माध्यममार्फत तपाईँहरूसम्म पुग्ने प्रयास गरेका छौँ। पाठकको बढ्दो सहभागिता, समाजमा देखिएको सकारात्मक प्रभाव र हामीमाथि प्रकट भएको विश्वासले हाम्रो लक्ष्यलाई अझ स्पष्ट बनाएको छ। आजकै दिन एकवर्ष पहिले असोज ८ गते हामिले उज्यालो रिसर्च एण्ड मल्टिमिडिया प्राली द्वारा सञ्चालनमा ल्याएको उज्यालोपाटी डटकम आज दोस्रो वर्षमा प्रवेश गरेको छ ।
अबको यात्रामा, हामी अझ बढी जिम्मेवार, समयानुकूल र पाठकमैत्री पत्रकारिता गर्ने प्रतिवद्धता व्यक्त गर्दछौँ। गुणस्तरीय समाचार सामग्री, विश्लेषणात्मक लेख र समाजलाई प्रेरित गर्ने कथा प्रस्तुत गर्ने दिशामा उज्यालोपाटी निरन्तर लागिरहनेछ। साथै, तपाईँहरूको सुझाव र आलोचनालाई हामी सधैँ स्वागत गर्नेछौँ।
अन्त्यमा, हामी अझै थप संवेदनशील बन्दै पाठकहरूको चाहना र बढ्दो माग अनुसार श्रव्यदृष्य सामग्री, मल्टिमिडिया, अन्तरक्रिया हाम्रो पहिलो प्राथमिकतामा रहेका छन्। यो गौरवमय एक वर्षे यात्रा र हाम्रो सफलताको एक वर्षमा हामीलाई सहयोग गर्नुहुने पाठक,, विज्ञापनदाता, शुभेच्छुक , पत्रकार तथा कर्मचारी सबैमा धन्यवाद दिन चाहन्छौं । हामी सधैँ तपाईंहरुको सल्लाह र सुझावलाई आत्मसात गर्दै यहाँहरु सँगै अगाडी बढ्ने प्रण गर्दछौँ ।
प्रकाशक
