आठबिसकोट । रुकुम पश्चिममा शान्ति सुरक्षा र अ’पराध नियन्त्रण सेवा प्रवाहसम्बन्धी सचेतना कार्यक्रम सम्पन्न भएको छ । जिल्ला प्रशासन कार्यालय रुकुम पश्चिमको आयोजनामा आठबिसकोट नगरपालिकामा शनिवार पालिकाको प्रांगणमा कार्यक्रम गरिएको थियो ।
रुकुम पश्चिमका प्रहरी प्रमुख नवराज पोख्रेलले समाजमा शान्ति सुरक्षा कायम गरी अपराध नियन्त्रण तथा रोकथाम पहिलो प्राथमिकता रहेको बताएका छन् । प्र’हरी प्रमुख पोख्रेलले जनताको समस्यामा हरेक समय सेवाका लागि आफु तयार भएको बताउँदै शान्ति सुरक्षा र अपराध नियन्त्रणमा आम नागरिकको ठूलो भूमिका रहने बताए । उनले नागरिकको शान्ति सुरक्षा अमन चयन कायम गर्ने र अपराध नियन्त्रण गर्ने आफ्नो प्रमुख दायित्व रहेको बताए ।
आफू जिल्लामा कार्यरत रहँदासम्म सबैसँग समन्वय गरी इमान्दारितापूर्वक जनताको काम गर्ने प्रतिवद्धता व्यक्त गरे । शान्ति सुरक्षा कायम गर्ने क्रममा सबैसँग समन्वय र सहकार्य गर्ने समेत उनले बताए । पछिल्लो समयमा आठबिसकोटमा लागुऔषध बढेकाले स्थानीय सरकारले प्रहरीसँग सम्वनय गरेर लागुऔषध नियन्त्रणमा सहयोग गर्न पोख्रेलले अनुरोध गरे।
त्यस्तै रुकुम पश्चिमका प्रमुख जिल्ला अधिकारी कुलबहादुर जिसीले शान्ति सुरक्षा भयो भने सेवा प्रवाह गर्न सजिलो हुने बताए । सचेतना कार्यक्रममा बोल्दै प्रजिअ जिसीले शान्ति सुरक्षा कायम भयो भने मात्रै शान्ति सुरक्षा अ’पराध नियन्त्रणमा सजिलो हुने बताएका हुन् ।
साथै, उनले जिल्लाभर चल्ने सवारी साधनमा मनपरी भाडा असुल्ने, क्षमताभन्दा बढी यात्रु राख्ने सवारी साधन चेकजाँचमा कडाई गरिने जानकारी दिए । उनले दुर्घटना न्यूनीकरण गर्न सवारी चालकको लापरवाही, मादक पदार्थ सेवन गरी सवारी साधन चलाउने, अत्याधिक यात्रु बोक्ने जस्ता कार्य घटाउन प्रहरीमार्फत जिल्लाभर सक्रियता बढाउने बताए ।
कार्यक्रममा जिल्लास्थित सरकारी गैरसरकारी संघसंस्थाका प्रतिनिधि, राजनैतिक दल, शिक्षक विद्यार्थी, कर्मचारी तथा जनप्रतिनिधिको उपस्थिति रहेको थियो ।
