, स्थानीय विकासमा टेवा पुग्ने अपेक्षा
रुकुमपश्चिमको चौरजहारी नगरपालिका–१ स्थित चौरजहारी विमानस्थल आठ वर्षदेखि पूर्ण रूपमा बन्द अवस्थामा रहेको चौरजहारी विमानस्थल यही वैशाख २५ गते शुक्रबारदेखि पुनः सञ्चालनमा आउने भएको छ। रुकुम (पश्चिम), जाजरकोट, सल्यान र डोल्पाको संगम स्थलका रूपमा रहेको उक्त विमानस्थल सञ्चालनमा आउन लागेसँगै स्थानीय बासिन्दाको आवतजावत सहज हुने विश्वास गरिएको छ।
विमानस्थल सञ्चालनसँगै क्षेत्रीय सेवा सुविधामा पहुँच विस्तार हुनुका साथै आर्थिक तथा पर्यटन गतिविधिमा समेत उल्लेखनीय वृद्धि हुने अपेक्षा गरिएको छ। यसले विशेषगरी दुर्गम भेगका नागरिकलाई प्रत्यक्ष लाभ पुग्ने स्थानीयहरूको भनाइ छ। रुकुम पश्चिमका प्रतिनिधि सभा सदस्य गोपाल शर्माका अनुसार यही २५ गतेदेखि चौरजहारी बिमानस्थल पुनः संचालनमा आउने भएको हो।
विमान सेवा पुनः सञ्चालनका लागि सहयोग पुर्याउने नेपाल वायुसेवा निगमका निवर्तमान कार्यकारी निर्देशक अमृतमान श्रेष्ठ, वर्तमान निमित्त कार्यकारी निर्देशक जनक कालाखेति तथा नेपाल नागरिक उड्डयन प्राधिकरणका निमित्त महानिर्देशक देवचन्द्रलाल कर्णलगायत सम्पूर्ण सहयोगीप्रति सासद गोपाल शर्माले आभार व्यक्त गरेका छन् ।
२०२८ सालदेखि सञ्चालनमा आएको चौरजहारी विमानस्थलमा २०७० सालदेखि नियमित जहाज आउन छाडेको हो । २०७० फागुनदेखि २०७२ भदौसम्म धावनमार्गमा कालोपत्रे गर्ने काम चलेको थियो । त्यस यता विमानस्थल पूर्ण रुपमा बन्द अवस्थामा छ।
