रुकुम पश्चिम । रुकुम पश्चिमको आठबिसकोट नगरपालिका -९ स्थित राडी ज्यूला शिक्षा क्याम्पस सञ्चालक समितिका सदस्यले राजीनामा दिएका छन् । कार्यकाल सकिदा पनि नयाँ समिति गठन हुन नसक्दा क्याम्पस संचालक समितिका सदस्य ललित चन्दले पद बाट राजीनामा दिएका हुन्।

चन्दले समयमै नयाँ नेतृत्व चयन नगरी पुरानै समितिलाई जिम्मेवारीमा राखिरहनु उचित नभएको जनाउँदै पदत्याग गरेका हुन्। आफु सहित समितिका अन्य दाधिकारीहरूले क्याम्पस प्रशासन र सम्बन्धित निकायलाई पटक–पटक ध्यानाकर्षण गराउँदा पनि कुनै पहल नभएपछि बाध्य भएर राजीनामा दिनुपरेको बताएका छन्।

राजीनामा दिएका सदस्य चन्दले नयाँ समिति गठन गरी क्याम्पसको प्रशासनिक कार्यलाई प्रभावकारी बनाउन सम्बन्धित पक्षसँग आग्रह समेत गरेका छन्। ०७८ मा मनिराज बटालाको अध्यक्षतामा क्याम्पस सञ्चालक समिति गठन भएको थियो । ४ वर्षको कार्यकाल सकिएपछी पनि नयाँ समिति गठन हुन नसकेको चन्दले बताए ।